ياليت وانا بعد ودى بجوال كششخه وفيه بلووتوث<<< تراه مهمم
ومافي كاميرا
ماعندى الا الدمعه والجامعه مصيبه كل يووم على اعصابي
عقب ماانسرق جوالى المملكه

والحين كم يووم وبيجيبون الجهاز الى يكشف على الجوالات
جابوه في الملز والدور علينا

بس الحين ماعاد فيه الا بكاميرا الشكوى لله :(

ماقد شفت جوال كشخه غير سيمنس الصابونه اللي لونه عنابي حلوووو مررره بس من عيوبه الارسال ضعيف وشوي صعب بس اللي بتتعود عليه بيصير سهل عندها
واغلب الحين الجوالات الكشخه فيها كاميرا مادام سمح بجوالات الكاميرا الحين ماراح ينزل الا جوالات فيها كاميرا
بس انتي روحي لمحلات الجوالات بتلاقين جوالات ماقد شفتيها وخاصه نوكيا كل اسبوع او اسبوعين منزلين جوال

هذا أعتقد اسمه الدوار مافيه كميره وفيه بلوتوث وكبير شوي

تدرون ويش سويت؟
شريت سمنس العبنابي جديد ب 790 ريال وبعد ما طلعت من المحل زوجي هزئني
قال ما أحد يمدحه والله بتندمين وما تقدرين تدخلين ولا برنامج
المهم رجعنا للمحل وشريت لي جوال الخيال من نوكيا طبعا فيه كاميرا وبرامج وكل اللي تبي
وفي المقابل خليت عندي الفيصلية ما بعته علشان الدوام والزواجات وبقية الطلعات بكشخ بالخيال

فيه انقيج اللي لونه اسود فيه بلوتوث بس مافيه كامره