جوزك بيخبط على الباب واللحمه لسه ما فكتش.......معلش

طبعا حضرتك صاحيه الظهر........نعمل ايه فيكى وفى كسلك :D يالا نقولك بقى على طريقه لانقاذك من جوزك بس لما يسالك ايه الريحه الى تجنن دى قولى له انك بتشتغلى من الساعه 6 الصبح عشان ما يقولكيش اعمليها تانى وتنامى حضرتك تانى وحتى ما تخرجيش اللحمه من الفريزير :icon33:

اللحمه المجمده على اى شكل - ثوم من الفريزير المخزن حوالى نصف كوب - زيت - كمون - ملح - كارى - فلفل - ملعقه صغيره سكر

امسكى اللحمه المجمده وقطعيها بالسكين بشكل عشوائى من المفترض انك اساسا مقطعاها بفتيك او مسلوق فلما هتعملى كده هتطلع قطع صغيره من اللحم
على النار حطى الزيت سبيه يسخن وضيفى التوم والكمون وقلبى لما الريحه تملا البيت ضيفى باقى البهارات وحطى اللحمه وقلبيها تقلبيتين على نار عاليه بعد كده غطى الحله وسبيها 10 دقائق وضيفى ماء وسبيها 10 كمان وقدميها مع رز ابيض اعمليه بسرعه بسرعه قبل ما ياخذ باله

وصيتى: عطليه قد ما تقدرى............دخليه الحمام وانسى تجيبى له هدومه او اتصرفى بقى انا هفضل شايله همك ليه :30: