جوزى تعبنى ردوا عليه الله يرزقكم الجنه اعمل ايه

جوزى تعبنى ردوا عليه الله يرزقكم الجنه اعمل ايه

--------------------------------------------------------------------------------

السلام عليكم

انا تعبانه اوى نفسيتى زفت

متخانقة مع جوزى وضربنى وانا حاسه انى مظلومه

مش عاوزة اتصل باهلى واقول لهم
لأن بصراحه مش بيفدونى وبيقولولى كلميه انتى وتعالى على نفسك

بس انا حاسه انى جيت على نفسى كتيير

المهم انا عاوزه اخد رايكم فى مشكلتى

جوزى ربنا يسامحه تعبنى اوى

هو والدته فى مدينه تانيه فى بلدى وجت وقعدت عند بنتها من اسبوع لأن بنتها عندها اسانسير
وصعب تطلع تقعد عندى لأن سلمى عالى انا فى السادس
المهم زهقت من المكوث عند بنتها وقالت لزوجى اجر ليه شقة
فوجئت بأخت جوزى بتقولى ان جوزى قال لأمه انه مستعد يبيع شقتنا
ويؤجر شقة ونعيش احنا وهى مع بعض ونبيع شقتنا لغاية ما ربنا يسهل
وجهت جوزى بالكلام ده
وقالى انا كنت بهزر

ازاى وهما خلاص عقدوا امل على زلك

يا جماعة انا زنبى ايه هو عاوز يحطنى قدام الامر الواقع

انا مبعرفش اخد راحتى غير فى بيتى
وكمان فيه مشكله تانيه
بحس ان جوزى بيحاول يسوء صورتى قصاد اهله
تصوروا ان انا قولتله اهلى هيسافروا فى شهر 7 وعاوزة اروح معاهم انا وبنتى
قاللى ماش
وقولتله ممكن تجيلنا هناك
قاللى ان شاء الله
فوجئت بأخت جوزى بتقولى برضه جوزك بيقول انك هتسافرى
وانا قولتله مش خايف على البنت قالهم خلاص اخللى البت وخليها هى تروح
وخالوها عندكوا قالتله ازاى
طبعا هى اساسا مش هتقدر تتحمل مسئوليتها اسبوع
المشكله انه باينى ان سفرى انا مش مشكله يعنى انا فى داهيه المهم
انى حامل وتعبانه فى حملى وابنى ميت من 8 شهور ونفسيتى زى الزفتتتتتتت
قولتله ليه انت ديما بتحاول تظهر انك مش بتحبنى لأهلك
حرام عليك منك لله
وكمان اتخزت قرار اننا نقعد مع امك من غير ما تاخد رايئى
علما انه كان على علاقة مع واحده من سنتين وكانوا متفقين على الجواز
وفضلوا مع بعض فى الشغل معشمين بعض انهم هيتجوزوا
وكان فى الوقت نفسه بيعاملنى وحش قاد اهله
عشان يبين ليهم انى لا اطاق
مع العلم
انه طول الوقت واحنا لوحدينا بيقولى بحبك ومقدرش اعيش من غيرك
المهم هو علاقته بالبنت ديه انتهت وهى اتجوزت
ربنا يجازيها على اللى عملته فيه

انا ثقتى بزوجى انتهت
وتعبانه منه
ودلوقتى لما رد الرد ده على اخته بأنى مش مهم انا اروح المصيف المهم انه خايف على البنت وانا طظ
وكمان لما لقيته اتفق مع امه من ورايه انهم ياخدوا شقة واعيش معاها من غير ما ياخد رائى
اتعصبت جدا عليه
وقولتله انت ليه بتعمل معاياكده
منك لله
اشمعنا اخوات بيتكلموا عن ستاتهم حلو قصاد اهلك
وبيفسحوهم
وانا مطنشنى ومعيشنى كده من بيت لبيت
نسيت اقولكم
انا جوزى طخيين اوىىىىىىىىىىى يعنى 160 كيلو كده
يعنى حياته هى الاكل
طول الوقت بياكل
عنده برود عاطفى
متعته الوحيده هى الاكل
المهم فوجئت بيه بيضربنى على كلامى وبيغلط فيه
ويقولى هوديكى عند اهلك
قولتله روح انت عند اهلك انا كرهتك ومش عايزه اعيش معاك
زخليك عايش بحسرتك على البنت اللى اديتك بالجزمه واتجوزت وسابتك
انت خاين ومفيش ليك امان
ضربنى تانى
ودخل المطبخ وقعد ياكل
المهم بنتى كانت بتشاهد امشهد المقرف ده كله
جت طبطبت عليه
وراحت تاكل معاه
على فكرة هو اللى عودها على عادة الاكل اللى مش صحيه ديه
وشغلها كرتون وراحت نامت جانبه
هى لسه صغيرة عندها اربع سنين
بس انا صعبان عليه منها
وصعبان عليه منه
ربنا ينتقم منه
انتوا عارفين لما قام من النوم عمل ايه
خد كل الفلوس اللى فى البيت وسابنى من غير ولا مليم وراح لأمه
حسبى الله ونعم الوكيل فيه
ربنا ينتقم من كل الازواج اللى مثله
دلوقتى انا قاعده بكتب وبنتى نايمه ربنا يخليها
ووجهى بيوجعنى جدا من الالام اللى خدتها ربنا يشل يمينه
ونفسيتى فى الارض
مش عاوزة اكلم اختى ولا امى ولا اقول لحد
وكفايه هو هيروح يشوه صورتى عند امه ويقولها انى بكرهها ومش عاوزه اعيش معاها
وهيقول لاخته انى بكرهها وبقول انها بتوقع ما بينى وبين جوزى
يعنى كمان هيخلى صورتى عندهم اوحش
والله انا مبكرهمش
بس بكره معاملة جوزى ليه
وكمان ابتديت احس ان جوزى بروته
ومبيحبنيش رغم انه بيحلف انه بيحبنى
حاسه انى كرهته وكرهت نفسى
اعمل ايه دلونى
ربنا يرزقكم كل ما تتمنون