السلام عليكم ياحلوات من زمان وانا ودي انزل طريقتي في الجوزيه لاني شفت الكثير يحوس ويدوس يبي طريقه حلوه ولعلمكم انا كنت مثلكم عجزت القى طريقه حلوه ومقرمشه وتذوووب في الفم وجربت كلل الطرق اللي في منتدانا والمنتديات الثانيه بس للاسف كلها فشلت معي اللي تطلع سااايله وتنشب بالاله واللي تطلع حصاه واللي واللي الان جتني هذي الطريقه من خالتي الله يرزقها الذريه عاجل غير اجل
وكنت بانزلها من زمان بس العجز الله يكفينا شره الين جاء اليوم وخبركم من الفرحه اني ضبتها قمت اتفنن فيها قمت صلحتها ملونه وطلعت وااو
فقلت لازم لازم انزلها اليوم وهي ساده وملونه لعيونكم بس تكفون اللي تعجبها وتضبط معها مابي منها الادعوتين لي ولخالتي لي ان الله يرزقني بنوته حلوه وبيت ملك وخالتي بالذريه العاجله تكفون تكفون
اولا المقادير
2زبده مذوبه في حراره الغرفه + واحد ونصف كوب دقيق + ثلاث ارباع كوب نشاء+ قليل من الباكنج بودر ( تعجن مع بعض )
في الخلاط نضع بيضه واحده وربع كوب سكر ( يفضل مطحون ) وقليل من الفانيلا
بعد ذلك نضعها على الخليط السابق ثم تعجن العجينه وتكور بهذا الشكل
وممكن نقسمها ونلونها بالوان الطعام انا حطيت احمر وازرق ولون صفار الزعفران وشكولاته
بعد كذا نحط الكور في الاله ونكبس عليها
والحركه المميزه اللي سويتها وريحتني كثير اني اخليها شوي ثم اقلب الاله عشان يكون اللي جوى متحمر واللي برى يكون لونه ابيض حلو مثل الجاهز شوفو كيف اقلبها
طبعا بعد ما اقلبها اخليها مفتوحه لاني ابي اللي برى يكون ابيض مابيه يتحمر
بعد ماخلصت كل الكور تكون عندي بهذا الشكل واذا فيه زيادات اشيلها بيدي لانها هششششه وتنشال على طول
وهنا الشكل النهائي للجوزيه الملونه