جوزي التراب أتحول في ايده دهب بجد مش هزار

السلام عليكم ورحمة الله وبركاته
قبل كل حاجة صلوا على حبيبنا الغالي الهادي الرحمة المهداه

في البداية كده هااحكيلكم موضوعي أنا جوزي الحمد لله بعد ما أتجوزنا سافر بلد خليجي وأنا كنت في مصر لوحدي وكانت ظروف شغله وحشة وصعبة مع انه شغال مهنة محترمة لأنه جامعي المهم


والله يا بنات قلت أدعيله علشان لما ربنا يوسع عليه ياخدني كمان معاه ومابقاش في بلد وهو في بلد تانية بقيت أصحى في التلت الأخير من الليل أصلي ركعتين وأدعىله وأنا ساجدة بس كنت بقول ايه كنت بقول
يارب وسع على زوجي وأجعل اليابسة في ايده خضرا واجعل التراب في ايده دهب وأرزقنا رزقا حلالا طيبا مباركا فيه

والله والله ثم والله زوجي لقيته أشتغل بعد كده جمب شغله في تراب الذهب واللي هو بيشتروه من عند مصنعية الدهب بالكيلو وبعدين بيروح لناس تفصل الدهب عن التراب لأن طبعا برادة الدهب دي بتكون واقعة على الأرض من الناس اللي بتصنع الدهب فبيلموه مع التراب المهم ما أطولش عليكم ربنا كرمنا أحلى كرم وعوضنا خير وجوزي بعد كده خدني معاه وأشترينا أرض والحمد لله كل ده بفضل الدعاء والصلاة في الثلث الأخير من الليل





لو أستفدتي من موضوعي أدعيلي بظهر الغيب ربنا يحقق لي ماا أمناه ولكي مثل مادعوتي وجزاكم الله عني جميعا أخوتي في الله كل الخير



منقوول للفايده