جولتي يوم الثلاثاء في مطاعم الرياض والاستغلال

في يوم الثلاثاء قلت لزوجي اني سمعت عن مطعم شيلز في الانترنت ويمدحونه ودي نروح نتعشاء فيه قالي ابشري
وتجهزنا انا وعيالي بعد صلاه العشاء ونروح للمطعم ونلقى قدمنا سرا 7عوايل ينتظرون قبلنا وجاء بعدنا يمكن خمس عوايل وحنا في انتظار متى يجي دورنا قلت لرجلي جب لنا قائمه الطلبات خل نختار وحنا هنا راح وجاب القائمه ومير ابقق عيوني :blink: وش ذا الاسعار واقوله شف وش ذه المويه ب9 ريال ليه نكد حنا عليهم وشوي واطالع عصير تروبيكانا لاني بصراحه احبه وااااااو وش ذه ب10 وش ذه الشغاله نهابه والوجبات ماشفت شي اقل من 30 السلطه ب36 ريال ليه واقوله قم قم بس مانكد حنا عليهم يستغفلونا قال يامره لاتفشلينا خلاص بكيفه قلت والله انا مايهمني شي انا اللي يهمني الاستغلال قاعدين نقول النيدو غلا سعره والرز والجبن ومقاطعه ومدري ايش اثاري المشكله من حنا يشوفون انا مخفات ندفع وبس قالو خل نستغلهم بما انهم مايعرفون يفكرون ويقوم واطلع ويطلع معي ويساله حقهم ذه اللي هم موقفينه عن الباب ويقول له رجلي بنروح وبنجي قلت انا ماحنا جايين انتو غاليين :S_45: ونطلع ونركب سيارتنا ونروح لمطعم الياباني اللي دعايته في كل مكان الظاهر ان اسمه فرساتو وندخل واول ماشفت القائمه حقتهم وشوف اسعارهم ومير تطيررررررعيوني:blink: يقول ياطاق من الموت ياملاقيه وش ذا الاسعار صدق نهابه وحنا بس فالحين نصيح وحنا ندفع ونساعدهم ينهبونا واطلع منه
واروح لمطعم سزلر هاوس ولقيتهم خلاص مشطبين ولا كان ودي اشوف قائمتهم بس خيرها بغيرها
واروح لمطعم ثاني اسمه فاهيتا افينيو اسعاره حلوه معقوله وطعم اكلهم يهبل لذيذ واهم شي انهم يدلعون الاطفال جابو عيالي الوان وصحون وشوك خاصه للاطفال وقعدت افكر في هالعالم اللي يدفعون في اشياء لها بديل ولا يفكرون في استغلالهم لنا والله يابنات لو بعدنا عنهم وقلنا لهم انتو غاليين فيه غيركم راح يبطلون استغلالنا ونهب كدنا وتعبنا