مهاالعيون @mhaalaayon
عضوة جديدة
جيبولي ولدي ابغى اضمه واشمه
بنات ادعوا لام خالد ان ربي يصبره بفقدان ولدها البكر خالد توفى خالد قبل اربعة شهور بس ام خالد لسى تبكي وتقول جيبولي خالد ودي اضمه واشمه طلع من البيت وانا ماودعته خالد عمره تسعه سنين طلع خالد قريب المغرب يلعب مع عيال الحاره بدراجه بذاك الوقت كل عيال الحاره اهلهم مشترين لهم الدراجات الكوبرا وابو خالد وعد خالد ان يشتريله اخر الشهر خالد صلى المغرب وكمل لعب مع العيال واخذ الدراجة من ولد عمه قالها بروح الشرب ماء من الثلاجه الى جنب المسجد خالد حط يده على الي طلع المويه وفمه تحتها الثلاجه فيها ماس كهربائي مسكت خالد مفكته الى لما طلعت روحه العيال فقدوا خالد لما راحوحصلوا خالد مرمي جنب الثلاجه يده تضرب بالثلاجه وترجع على جسمه ويناظر في السماءيحسبونه يمزح لما جاء ولد عمه يحركه براسه لذعه في ذاك الوقت العيال كلهم يصرخون ويجرون يقولون خالد مسكته الكهرباء سمعهم عامل البقاله ويجري على خالد يسويله تنفس صناعي بس مانفع اتصل على عمه واخذوه للمستشفى بنات كل هادي الاحداث صارت تتوقعون ابو خالد وين كان كان بالمسجد يستنى صلاة العشاء سبحان الله مابيينه وبين ولده الي كان ينازع الموت الى جدار ام خالد دخل عليها ولده الصغير وعلمها صارت تجري بالخط زي المجنونه مره طيح ومره تقوم لحد ماحصلت احد يوديها المستشفى لان كل رجال الحاره لحقوا خالد للمستشفى خالد مات بس ام خالد مو مصدقه حتى لما رجعت البيت تقول ياربي اشفي لي خالد خالد قلبي ماقدر اعيش من غيره بنات موت خالد كان فجعه للكل بالثلاث اليالي حنا الى مايقربلنا ماجانا النوم والله كانه واحد من عيالنا ام خالد بعد العزاء ماقدرت تعيش بييت مافيه سافرت لعل وعسى انه تنسى اوتتناسى مرة اربعة اشهر وام خالد لسى تبكي جيبوهلي ودي اضمه واشمه ام خالد الحين نفسيتها يقولون مره تعبانه بنات الدعاء بظهر الغيب مستجاب ادعوا لام خالد بهاذي الليله المباركه ان الله يصبره ويشرح لها صدره
66
1K
يلزم عليك تسجيل الدخول أولًا لكتابة تعليق.
الصفحة الأخيرة
الله يصبرهااااااااااااا يارب
ويرحمه برحمته