جيبي درزن عيال عشان مايتنفس

السلام عليكم شخباركم حبيباتي
عندي موظوع الاحظه متكرر واسمع عند الحريم الكبار جيبي عيال كثار ولادري وش الفائده من هالشي وكن اقول عادي الرجل لوعنده مليون طفل لابغايتزوج محد راده ...
فاقلت الكلمه هاذي قبل اسبوع عند عجوز وحكيمه ماشالله عليها قالت المقوله ذي صحيح بس العالم كل واحد يفهمها غلط ةيفسرها على كيفه..
اولا والاهم ان الرسول وصانا على الولود والودو لان كثره الذريه تجيب البركه بالبيت
ثانيا تلقين رجال عنده 10ومتزوج على زوجته طيب هالي تزوج وهو عنده كومه مثل الي تزوج وهو عنده واحد..
ثالثا والاهم وهي تقرب لي قالت لاجبتي كثيررر تخنقينه مايقدر يتنفس بس مو تصيري مثل غيرك بعضهن تقول بجيب كثير عشان مايتنفس وهي ماتدري وش الدبره وكمخه قلت شلوون قالت علمك شلون...
تجيك وحده عندها كومه ولاجت تشري اغراض تبقى على طمام المرحوم نفس طلابت عيالها ال2يوم جابتهم وهي عندها 10الحين ماغيرة جدولة طلاباتها كل ماتجيب تزيد تلاقينها لاجابت غدا حطة حبه ل10انفار وزوجها لو عنده عزيم بس 5انفار جابلهم مفطح ولابعد لو بيشوي دجاج جاب كرتون لربعه ليه هي كذا قلت طيب شلمفروض تسوي تقول تقصقص الدجاج وتخلي لكل واحدربع هاذا من المفروض تسويها من بدايه زواجها يعني تطبخ لهم يوميا 3دجاجات مع حسبتها عهي وزوجها ليه مو من حقهم ياكلون وجبه كامله..
والبيتزا لاطلعت كلهم على 3صحون ياخي اتقي الله من حقهم يحسون بانفسهم انتي لو طلعتي لحالك شريتي لك صحن ليه تستبخلين عليهم وتوفرين مال ابوهم لغيرهم خوذي 10صحون لكل واحد واحد كذا تخلينه ماينفس والله لو يطلبه صديقه سلف ان يقول انت عطني خلي حاتم الطائي لك ولعيالك والله ان يكره الزواج والخلفه لانه بيحسب حساب كل شي وكل شي احسبيهم حتى كراسي الكشتات وهي تعطيني النظره الحاده احسبيييهم خلي سيارته محل كراس لاترحمينه والله انه يردد كلمه يالله السلامه شوفي بناتي كلهن مدرزنات وهاذا اسلوبهن والله يوم شفت ان كل وحده تبارك الله عيالها ماقول الا ماشالله وكل واحد معه سيكل تقول تخيلي لانزلوهم رجالهن مايخلونهن ينامن ويترجونهن ترجي يجن البيت لانهم عارفين كم بيدفعون معودين رجالهن من جابو الاول انهن لاجلسن عندي بس اسبوع ولدي مصروف اسبوع 200محد موكله ببلاش تعرف اهلي مو مقصرين علي لكن مابيهم يقولون زوجها بخيل وخواتي كل وحده جايبه حسابها معها تقول ويوم درزنوو ماعادن ينامن عندي ومرا واحد مه بيروح مع ربعه بيسافر وهي عندها 11تبارك الله قال بروح 8ايام قالت مافي مشكله بس ايدك على3400عيالي لهم 2400ونا 1000قال خلاس هونت مابي اسافرر قالت شسوي حتى لو اجلس بالبيت هاذي مصاريفنا وفلوس النقل وحسبها ولانفسه واقع بشبااك تقول ههههه حتى يقول والله لو يطلق انه بيعرف كم بيدفع مصروف لك واحد لهم يعنييي راتبه كله بيروح لهم ..
فاانا اسمع يابنتي حريم جابو بزران وجلست مع جيراننا الي قدامي وبناتهم عيالهم وش كثرهم بدورجالهن سفريات وروحات ولاصرف الاقليل والخطاء منها هي قلة الدبره لو موعدته من البدايه ان كل واحد له ربع دجاج وبيتزا ووجبه لحاله وكراسي واغراض حالهم من حال الكبار كان والله تخنقه قلت والي راحت عليه بالحسبه من ناحيه الاكل قالت مافي شي راح المره لاصارت كيدها متعدي الشيطان تقلب الموازين لصالحها قلت شلون قالت فرضا وحده ماعودة زوجها ع هالشي تجي بذكا وتقول ترا عيالنا كبرو وصارو محتاجين اكل ويتهاوشون كل واحد يبي دجاج وش رايك نقص الدجاج وكل واحد ربع بس لاتعد كم دجاجه قدامه عشان مايستكثرها فرضا تقول قطع عشان مايتهاوشون وكل واحد له صحن وشوي شوي لين تحسب بالكراتين الشهريه 3او4كراتين دجاج وخيشتين رز..والبيتزا والاشياء الثانيا قولي ماتكفيهم خل ياكلون من حقك وسولفي لحالك معه وقولي شفت كيف انت ماشبعت هم بعد جب كل 2بوحده وبعد فتره قولي يتهاوشون جب لكل واحد وحده وهاكذا والله ان تلقينه بدون ماتتهاوشين معه ليش تسلف فلان وليش تعطيه هو من نفسه يوفر الريال لعياله ومايعطي احد ...وانا من قالت هالكلام قلت بطرحه بمنتدانا وان شالله يكون فايده لكل اخواتي ويرتاحن هن وعيالهن حتى الي تقول زوجي مايبين يقول روحي لااهلك ماعاد بيقولك كذاا ههههه..