موضوع رائع الله يكتب اجرك

يعطيك العافية غروووبة ،،،
نسيت شي مهم انت تسويه دايما ،،،وهو كتابة المواضيع المفيدة في المنتدى والاجتهاد في اخراجها الفني في احسن صورة
وهذي من اعظم الامور اللي تعطيك شعور بالايجابية واهميتك وقيمتك واحساس بالانجاز واالراحة النفسية لكونك تنفعين البنات وخير الناس انفعهم للناس ،،
لكن مهم جدا انك تتبتغي بها وجه الله فقط ،،

وانصح البنات جميعا والمغتربات خصوصا اللي يعانون من الفراغ بهذي الخطوة وهي الكتابة المفيدة في المنتديات بدل من الاكتفاء فقط بقراءة المواضيع والاخذ




لازم ينتقلون لمرحلة العطاء واكيد كل بنت عندها تجربة او معلومة مفيدة وماينقصها الا الهمة لطرحها والبعد عن المبالغات ،، وهذا الشي رح يحفزك للقراءة الكثيرة وشغل الفراغ بالمفيد وهلم جرا ...........



تخيلوا تموت الوحدة وقد تركت علم ينتفع به في المنتديات ويكون ثوابه جاري لها في قبرها

هلا غرووبة
الحمدلله مع البنيات الصغار ربي يحفظهم

الله يجزاك الف خير

الله يعطيك الصحة والعافيه ، مواضيعك دائماً حلوه..

الله يهون علينا غربتنا ويردنا لبلادنا سالمين غانمين ..


الجلوس بالبيت صدق يذبح احيانا بس استغلاله بما يفيد يرفع من معنوياتنا ..

بالنسبه لتجربتي :
اول مره فضيت فيها طورت مهاراتي بالطبخ ولله الحمد كل فتره عندي شي جديد،،، وحفظت جزء كبير من سورة البقره لكن للأسف وقفت، ادعولي اقدر اكمل..

الفتره الثانيه:

اهتميت ببشرتي وزني وللحين مستمره فيهم ولله الحمد وصرت اقرأ بشكل اكثر من قبل..

ورغم أني إخصائية نفسيه الا أني كنت امر بأيام سوده من الحزن الكآبه والضيق بالذات اذا تركتي زوجي وطلع رحله مع الشباب أو بات مع اهله بمنطقه ثانيه او حتى لو راح مؤتمر ... كنت احس ان الدنيا سودوووووووده ومافيها خير وأخاف لأني بروحي بدون اهلي .. بس بعد حاولت أتأقلم وآخر مره بات فيها زوجي في منطقه ثانيه كانت اخف وطلعت الصبح رحت السوق بالترام وسويت لي احلا غدا وكلمت اهلي، وسبحان الله التلفزيون كان حلو كله افلام..