ام سوير ملح وقبله @am_soyr_mlh_okblh
عضوة نشيطة
جيتكم انا جيت ومعي قصة ولادتي ياهلا فيني خخخ
السلام عليكم ورحمة الله وبركاته
مساكم الله بالنور والسرور حلفت والله ماتقوم ولا وحده اناراعية محل ماني غريبه لبى عويناتكن والله :35:
اليوم جايبتلكم قصة ولادتي بعد ترديد ياليييييييييل مطولك والي تذكر سالفتي وموضوعي لما كنت في التاسع وحلفت جنى الا تكمل الجلسه وتجي بالشتاء تقول مالي خلق على هالحر وتمطها للعاشر 10 ايام لحد ماطنقرت وقلت مااعاد فيها انا يا اولد يا اولد ماعندي تفاهم والله واقوم واتعبث بعمري حلتيته وشميت لين انفقع راسي والرطب قضيت على المحلات لين سببت عجز بسوق اللتمور :27: والكبو اااه على الريحه طلعت جيراني من بيوتهم قالوا خيستي فينا الله يهديك وتولدين ونفتك وماجلس احد بالمملكه مادق علي هاه ولدتي ؟ وانا لا والله للحين لحد مايأسوا مني وانا زهقت من تكرار نفس السؤال قمت حطيت جوالي صااامت ليل ونهار قلت لاولدت ارسلكم مسجات لاتقلقوني خخخخخخخخخخ
المهم ياطويلات العمر >>>> لاحظن من اليوم المح للقهوه ولا عطيتني وجه مايصير هذا الكلام
وبعد التقلات الاسبوعيه لطوارئ وبرادة وجهي كل ماقالت الدكتوره مفيه ولاده ياماما قومي قللت عاد مانيب رايحه متى ماجت تجي واثر البنت:04: ماخذتها عناد تشوفني متشوقه وتبي تلذذ بتعذيبي فدييييتها ياناااس
ويوم جاء يوم الاحد الموافق 23\11 تحديدا الصباح الساعه 9 ونص كان زوجي طالع من دوامه يبي يسافر للاردن عنده محاضره (زوجي يدرس بالاردن دكتوراه ماشاء الله ) المهم كان قاعد يلبس وانا منسدحه على السرير وكنت احس بتعب واحساس ولاده تعرفون هالاحساس ضيقه وخوف وتعب سبحان الله قلت بقوم احضر له الفطور قبل يمشي واول ماقمت ووصلت باب المطبخ والا يكب معاي موية الراس وانا واقفه واتمسك بالباب قلت جااااك الموت ياتارك الصلاه وانا اهون ماعاد ابي اولد وراحت علومي خرااااببيط والله واعطي المطبخ ظهري واديورللحمام وانتوا بكرامه وابدل بيجامتي
واجي عند زوجي بالغرفه ويناظر فيني قال هاااه وش عندك قلت كل خير الهماااام ماهناش روحه للجامعه قال انا ولد ابوي يعني خلااااص قلت انا اشهد قال اجل اركبي >>>>مسلسل بدوي متعوووب عليه
كنت مجهزه شنطتي قلت خلني اتسبح والبس ويوم خلصت مسكت القران وقعدت اقراء سورة مريم والمعوذات وورد الولاده وهذا الكلام 10 صباحا وتشد معاي الطلوق طبعا لما انفكت المويه ماكان عندي طلق نهااااائي جاني بعد المويه وابدى احسب الا كل 5 دقايق قلت مشينا واخذ بنتي طبعا ماتدرس بس هي عندي بالبيت خواتها يدرسن ونروح لطوارئ ويزيد كل 3 دقايق وتكشف الدكتوره قالت ماشاء الله 5 ونص يلا فوق طبعا بس نص ساعه وانفتح 5 ونص وارقى فوق ويوم دخلت غرفة الانتظار وركبوا التخطيط يمااااااااااااااااااه ويبدى الالم الجاااااامد الي طلع روحي وحسيت ابي ادفع بس ماقدرت اتكلم واصرخ طبعا الدكتوره كشفت وقالت 6 وراحت تجلس قدامي والممرضه تكمل تركيب المغذي وانا اموووت من الالم ماشاء الله كان الطلق حاااااااامي وسرييييييع ومامداها تخلص الا وانا خلاااااص ولا قدرت انادي بس صرخت قوه وتجي الدكتوره تمشي براحتها تحسبني اتدلع ويوم رفعت الشررشف قالت ماما اااه بيبي يبى يطلع ليش مافي كلام وتفك التخطيط وركض لغرفة اولاده وتشنقل رجليني قالت يلا ماما ادفع والله وازحر واغمض وادفع من اعماااق قلبي وتطلع جنى بالسلامه الساعه 11ونص باللظبط ماشاء الله كانت ولادتي وطلوقي كلها ساعه ونص بسسسس ولاول مره بناتي كلهم اقل وحده 5 ساعات ويجيبونها لي وابوسها واحمد ربي على السلامه واقعد عاد اوصي الدكتوره تظبط الخياطه خخخخخخخ:35:
ويطلعوني غرفتي واكلم زوجي وابشره وهو ماقصر ماخلى احد مابلغه مع انها البنت الرابعه بس ماشاء الله ماتضايق الله يكمله بعقله ويحفظه لي من كل شر
ومع اني كنت مجهزه لسته كامله دعاء لكن يوم جاء الطلق راااااحت علومي خرطي وماعندي غير ياربي تساعدني ولاتذكرت الا بالغرفه بس الحمدلله على كلل حال واسال الله ان يرزقني بالولد اللصالح انا وجميع اخواتي
واعذروني على الاطاله:time: بس حبيت اذكر جميع التفاصيل عشان تعيشون الروايه اقصد القصه زييين
تحياتي وودي
40
3K
يلزم عليك تسجيل الدخول أولًا لكتابة تعليق.
الـبراءة
•
الحمدلله على سلامتكي
ماشا االله عليك وعلى روحك المرحه
الحمدالله على سلامتك ومبروك جنى
وعقبال تؤام اولاد صالحين يارب
الحمدالله على سلامتك ومبروك جنى
وعقبال تؤام اولاد صالحين يارب
الصفحة الأخيرة