كيفكم حبيباتي؟؟
مبارك عليكم الشهر
وتقبل الله منا ومنكم الصيام والقيام
وصالح الأعمال يارب
اليوم جبتلكم شوربتي الكويكر بالخطوات
لزيييييييييييزةوراح تشوفو
جربوها راح تدعولي إن شاء الله<<< مو تروح ماتعجبكم تدعو عليا ترانا في شهر فضيل<<<خافت
الموهم
تسلقي اللحمة عادي في موية وبعد ماتشيلي الزفرة تحطي بهارات صحيحة هيل وقرفة وخولنجان وشيبة قرنفل وكزبرة وكمون وفلفل اسود
ولمن يبقى على اللحمة نص ساعة حطيلها الملح
بعدين تآخدي 7أو 8حبات طماطم وسط أو حسب ماتحبي وتعصريها
وتحطيها في قدر عالنار
وترشي شوية ملح علشان تساعد على استواها بسرعة
وتغطي القدر وتخليها دقايق لين تطبخ وتصير كدا
تروحي تزودي عليها من مرقة اللحمة شوية وتخلطيها
وتضيفيلها 14مك شوفان كويكر وتخلطي بالمضرب بسرعة عشان لا تتكلكع<<<تراني تعبت في دي الكلمة
ولو حسيت الخليط مرة تقيل زودي شوية من المرق وخليها تغلي شوية وتطبخ وإنتي جنبها تحركيها
شوفيها وهي تطبخ
بعد كدا زودي موية أو مرق أو من الأتنين حسب ماتحبي الكمية الكافية لطبخ الشوفان وكيف غنتي تحبي سماكة الشوربة<<<ترى انا أحط كمية وأتفقدها لو حسيتها تقلت زودت ما أكتر من البداية عشان ما تخف عليا
ونحط صرة البهارات مع شوية بهارات لأني الصرة دي اشتريتها من عطار وحسيت كمية البهارات فيها قليلة فزودت
طبعاً بهرات الشوربة المعروفة زي اللي حطينها في سلق اللحمة وتحطي ملح حسب الرغبة ولا تنسي المرقة مملوحة
ونسيبهم يغلو مع التحريك طبعاً
آخر خطوة قبل ما نطفي النار بشوية ترش شوية كزبرة وكمون ناعم ونحركها من فوق بخفة
وياحلاتها مع الليمون
وهنا وعافية على قلوبكم
تراها سهلة والله بس انا هرجت كتير
صيام مقبول
ولا تنسوني من الدعاء
بأن الله يريح بالي ويحقق مطلبي ويشفي أحبتي
:)