مشكورين حبيباتي
عساكم بعد ال 150 الي دخلو وما ردوا
*****************

مشكوره اختي البنوته على الرد
هذا انا مغير اقلب يمين ويسار
بس ما شفت الموضوع الي يكحل عيني
مع احترامي لكل الخوات
بس كل الي اشوفه مواد كيماويه وانا ما ابي الا الطبيعي

*******************

اختي تو دي
مشكوره وما قصرتي
حتى لو ما ساعدتيني يكفيني انج دخلتي ورديتي علي حتى لو بضحكه

*******************
خواتي
والي يرحم والديكم اناشدكم ابي روابط للمواضيع الي تساعدني

بصراحه بصراحه انت عجيبه تهبلين اتوقع اذاقعدت معاج بحبج اكثر كفايه خفة دمج شتبين بولد الحلال اللي بياخذج عشان ويهج كفايه الروح الطيبة اللي تملكينها اللله يحفظج يارب

المهم اذا تبين وصفه من الثلاجة انا ماعندي لان مامنها فايده عندي وصفة ثانية تعنين وتروحين تشترين المقشر بيبي فيس الفلبيني واذا عزمتي تستخدمينه ردي علي عشان اكتبه لج لان طويل شوي ويبي شرح بس نتايجه ررررروعة اناجربته في الاربعين بصراحه شئ خيالي

يا هلا وغلا بريحه المشموم
مشكوره اختي وما قصرتي
بس انا ابي الطبيعي وما ابي غيره
الصراحه تعبت من الكيماويات ما وراها الا خساره فلوس ودمار بشره
والله هاذي بنت جيرانا استعملت كريم تبيض من الحواج (العطار )
ومسكينه وجهها احترق وبعدها طلعت فيه حبوب تلوع الجبد
ودج اذا جيتي تسولفين معاها ما تشوفين وجهها
لانه وبصراحه صار يمنع الخلفه
فنبعد عن الشر ونغني له احسن
ولاشرايج حبيبتي؟؟؟؟؟

****************

وانا لي الحين اتصفح بالمواضيع :(
وشكلي آخرتي راح ايأس وتلوع جدي اكثر من ماهي لايعه الحين من شكلي
و افتح الثلاجه واخذ من كل شي فيها واحطه بالخلاط
وبعد ما اخلطه بلطخه على وجهي
وبعد شهر ارد واقولكم النتيجه
بس عسى ما ينقلب السحر على الاحر :icon33:

السلام عليكم

لولو كاتي

أختي الجميلة أنصحك بجلسة بخار بالبيت

المعني : 1) حطي على بشرتك الرائعة :) كريم أو زيت لوز أو زيت زيتون ودلكي بحركات دائرية لين يختفي الكريم أو الزيت ( يعني لحد ما تتشربه البشرة )

2) جيبي سكراب خفيف للوجه بالمشمش , وإذا تبين طبيعي جربي السدر المطحون أو الحمص المطحون ... وقشري بشرتك الحلوة :)على خفيف يعني شي شوي مب حيل ظلي قشري بحركات دائرية وركزي على المناطق الدهنية مثل الخشم والذقن والجبهة .

3) أمسحي المقشر باسفنجة , وبعدها حطي كريم أو زيت مرة ثانية على كل وجهك الجميل :)

4) عرضي وجهك الفاتن :) للبخار ( قدر ماء + زهرات أو زعتر أو أي نوع من الأعشاب ...وخلي لحد ما يغلي ) جيبي القدر وحطي راسك على بعد 10 سم تقريباً وغطي بفوطة عشان يتركز البخار على وجهك . واستمري على هذا الوضع لمدة 10 -15 دقيقة

5) لفي أصابعك السبابة لكل إيد بكلينكس وحاولي تضغطي على أماكن الدهون والزيوان

لأنها صارت لينة وطرية .

5) طهري بشرتك النظيفة :)بتونك أو ( ملعقة ديتول أخضر المخصص للاستعمال الشخصي + 2ملعقة ماء ) وامسحي فيه وجهك الناعم :) .

6) حطي قناع طبيعي على وجهك الرقيق :)واختاري قناع يحتوي على العسل الطبيعي ( يعني سوي خلطة وأضيفي لها عسل طبيعي لأنه مطهر قوي ومغذي بنفس الوقت ) استرخي على ظهرك لمدة 20 دقيقية واغسلي القناع ..

6) أخيراً مرري قطعة ثلج علة وجهك يا قمر :)

والسموحة

هذي الخطوات أنا دايما أسويها إما بالصالون أو بالبيت

المحبة ( نوارة )

شوفي حبيبتي ليه اليأس أنا ماني بعيده عنك ..... :D

إسمعي قصتي الحزينه..... :icon33:


كنت أضع كريمات على وجهي زي بوهلي وطقتها إستمريت عليها فتره تقريباً نص شهر يعني لين صار وجهي كإني حاطه كريم أساس...


وبعدين تركته أكثر من شهر وفي هذه الأثناء <<<< :44:

ثم تعرضت لضربت شمس دون أن أضع كريم الوقايه من الشمس <<<< ولكي أن تتخيلي ماذا حدث ... :07:

وخلاصة قصتي :(

قلت لايمكن اللي يصير..

و استخدمة خلطه قريتها في المنتدى ما أذكر صاحبتها لكن الله يجزاها ألف ألف عافيه ويجعله في موازين أعمالها ......

وهي حليب بودره أي نوع و حليب السعوديه تخلطينها مع بعض لين تصير زي العجينه وتحطينها على وجهك ثلث ساعه وبعدين تغسلين وجهك وتمرري قطعة ثلج موية ورد ومع الإستمرار راح ترجعين مثل أول وأحسن
وأنا من المره الثانيه جابت نتيجه وفتحت بشرتي بكم درجه ومع الإستمرار إن شاء الله نرجع أحلى من أول...

إش رايك يا لولو كاتي :27: