جيتكم وحابسه دموعي واقول ايش الحل ؟!

السلام عليكم ورحمة الله وبركاته
أخواتي مريت في حاله اليوم مايعلم فيها غير ربي ابي استشير احد بس ماني قادره ! مشكلتي انا الان مالي الا يومين طالعه من النفاس وبنتي من جبتها معها خلع في الرجل اليمنى ومفتوقه مع السرة والحمدلله على كل حال وكل بعد اسبوع وانا في هالمستشفيات وصايبتني كآبة النفاس وحالتي مايعلم فيها غير رب العالمين اتهريت بكى لا قادره ارتاح واحس بضيااع خصوصاص اني من ولادتي وزوجي جاه انتداب واول مره يغيب عني وحاااااااالتي صعبه الان رجع لنا ورجع لبيته والحمدلله تعبت انا وتعب ولدي معي يبغى ابوه صار انه اول مادخل البيت جاه اتصل انه فلان صاحبه توفى الله يرحمه ويغفر له وصاحبه هذا بديرررررررره بعيده طلع الطائره اليوم الي بعدها وغاب 3 ايام وبعد مارجع واخذله نومه اتصلت امه تقول احنا فينا العنقززز تعال ودنا المستشفيات الي عندكم (( مع العلم انا حاطه عمتي فوق راسي فوووق ماتتخيلون وماتشوف مني الي يزعلها ابد )) مع انها ماكلمتني لما جبت بنتي ولا باركتلي انا قبل اسبوع كلمتها:( انزين الحين عندي ولد عمره 5 سنوات وهالنونو الصغير كيف يجيب امه عندي في البيت وفيه وفي ولدها العنقز حسبي الله ونعم الوكيل مع اني انهرت في غرفتي وتقطعت من البكاء تعبت تعبت زوجي مو لاقي وقت يجلس معي وبنتي تعبانه وولدي ذبحني طفشت ياماما طفشت ومافي حد يخرجنا والان عمتي تجي ويطق العنقز هالصغار وابتلش فيهم واقسم بالله مخنوووووووقه وترى ماكلمت زوجي وامه تقول اذ جينا لا تودينا عند اختك تعرفها(( تطيّر على ولدها الي عمره 3 سنوات)) وانا ماجيت حتى انكد خاطرها والله كلام هزني وزعزعني ودمرني وخنقني ورحت الغرفه وبكيت حتى عورتني كبدي مو قلبي ومابينت لزوجي ابي انسانه فاهمه توعيني اذ انا على خطاء توجهني واذ انا على صح تقولي ايش العمل ولا ابي لا عمتي ولازوجي ياخذو على خاطرهم مني والحل والله يفرج همكم والله الوضع متأزم معاااااااي سااااااااعدوني