جيت ببلغ عن مروج حشيش ماعطاني راعي المكافحة وجه

السلام عليكم
انا من زمان اشوف في احد قروبات زوجي شخص فاتح قروبه مبسط سوق ومجمع له من كل من هب ودب ممن يأمن جانبهم يعني يبيع سموم وضامن ولاهو خايف احد يعلم
طبعا اللي متأكده منه انه يبيع الحشيش وتوضع فيه صور حبوب وعادي
القصة مو هنا
اتصلت بعد تردد وخوف في مكافحة المخدرات بعد ماشفت ان الموضوع استفحل ورد علي واحد الله حسيبه قلت اليوم في القروب فيه محادثه واحد بيسلم حول 50 حبة ب 2000 ريال العصر وحافظة رقم البائع والمستلم
سالني من وين عرفتهم واستغرب كأنه يقول وش دخلك تفتشين جوال زوجك
وقال عطيني رقم راعي القروب
يعني ماهمه الصفقة اللي بتصير اليوم ولاييي رقمه
همه رقم راعي القروب بيحذفون القروب وانتهينا والا ايش
المهم رفض ياخذ برقم راعي الحبوب وقال جيبيلي رقم راعي للقروب
سكرت وبعد ماوفرت رقم راعي القروب اتصلت ثانية
وخبرته ان الرقم معي قال لا لا خلاص سجلت رقم اللي بيبيع اليوم و بنتصل فيك ناخذ معلومات
قلت انا حرمه ورقمي بإسم زوجي وكل المعلومات اللي اعرفها عطيتك
قال تبين نتصل او لا يعني بيلغي
قلت لا تتصلون مابي مشاكل
والقروب للحين شغال
واحرار طلقاء
لو كان مخلص اخذ المعلومات لو من نص خيط
حسبي الله ونعم الوكيل على من خان الأمانة

الكلام هذا له شهرين وزود والمجرم الله يشغله في نفسه للحين سوقه ماشي وودي ابلغ ثانية لأني أعرف انه متسبب علة عوايل كثير ومانتشرت حوادث الذبح الا من المخدرات ب س اخاف يصرفوني نفس التصريفة