":":.....جيت لك......":":

جيت لك والشوق فيني ماله حدود ونهايه
جيت لك تعبان مرة من عذاب له سنيني
تكفى ريح خاطري اللي ذاق مافيه الكفايه
قامت الدنيا تحده من يسار ومن يميني
صار وقتي يبغى موتي وصار وقتي من اعدايه
ما يهمه غير تعذيبي وجرات الونيني
والله اني لو اني مخطي لاعتذر له عن خطايه
بس مااذكر شي واحد يتركه عيا يبيني
ايه احبك غصب عني ماهو بكيفي ورضايه
ايه احبك غصب عني وجيتي ماهو بيديني
لا تقول اشلون قللي ياحياتي ياغلايه
ابي اسمع اي كلمة تسعد القلب الحزيني
اعتبرني طفل شقته فجأة بالدرب تايه
ماله احضان تلمه لا ولا له والديني
ظمني من فوق صدرك خل هالعالم ورايه
نسني همي وحزني في كلامك والحنيني
وان لمحت دموع عيني واسني وابقى معايه
سوي نفسك مالمحت دموع عيني ياضنيني
خلني ابكي واسولف لين اكملك عنايه
خلني اشكي بكيفي لين ينباح الكنيني
والله اني ارتعش واحس في يدينك دفايه
والله اني خايف والخوف جنبك مايجيني
واقسم اني منجرح من دنيتي وانت دوايه
وش دوايه وش دفايه كل شي جنبك يزيني
بس انا جيتك وشوقي ماله حدود ونهايه
واعرف اني يوم جيتك والله انه مو بيديني



يللا قولولي وشو رايكم :26: