بادئ ذي بدء تراي حرمتن معصبه وفيسي مثل ذا >>
فلا تشرهون على الاخلاق ...
انا ياجماعه الخير قد الله علي وساكنه في دبلوكس دور ارضي وفوقي هنود ايه هنود ماغيرهم حقين البرياني
<<لاتحسبوني ساكنه في البطحا ءوالا الخزان ...ساكنه في الشمال بس ذولي هنود جخ واخوين واحد دكتور والثاني
يشتغل في المملكه القابضه <<خافت على برستيجها خخخخخخخ:22:
طبعا ماراح اتكلم عن فواحات الثوم الي لازم تدهر مرتين في اليوم <<اصلا ادمنت اذا ماشميتها يوم جاني صداع وماارتاح الا لين يشغلون فواحاتهم
بس الي مضايقنا .الازعاج والطخ طخ طخ طع طع طع تالي الليول ..وكله كوم وصوت الوووووووونننننننن (صوت
مكنستهم جعلها تخرب ) وجع وش هالكنس الي كل يوم في الفجر ...
طبعا نسيت اقولكهم انهم فيهم عرق خفافيش ماتبدا قربعتهم الا بعد 12 في اليل ..وشكل الفلل مافيه عوازل ابد لان
حتى افلامهم الهنديه اسمعها وصرت اتابعها معهم غصب عني
امس جيت بنام الساعه 3 ويبدا القصف ارض جو ..شي مطرقه وشي مكنسه ..والله اني اشك انهم ارهابيين
والاشي والا وش الطقطقه ذي المشكله معهم حرمتين وبزر ..حتى بزرهم الله يلجه مايصارخ الا في الليل:09:
وش الحل ياناس المشكله بعلي من النوع المؤدب يقول لو صادفتهم بقولهم بس اني اطق عليهم الباب واقولهم
صعبه ..المشكله لين الحين ماصادفهم لانهم خفافيش ...
وش الحل قبل تجيني شقيقه بسببهم ..ارسل لهم كرتون شطه رشوه ومعها رسالة تهديد والا واصبر ...طبعا انا اكتب لكم الحين وصوت الونانه
مكنستهم تشتغل ..
مايستفاد من البربره ....الي ساكنه في دور علوي تقضب ارضها ولاتقعد تهابد في
الليول عشان لاتزعج جيرانها الي تحت ويدعون عليها <<مهيب تقصد نفسها ابد
تخيلت الازعاج اللي انتي فيه ..
ذكرتيني الله يذكرك جنبنا جيرااان اعووووووذ بالله ازعاجهم ازعااااااااااااااج ..
تخيلي من الساعه 6 الصباح وهم في الحوش لعب وصررررررررررراخ قسما بالله صراخ طبعا اولاد وبنات تخيلتي شلون صراخهم حفله تصير ..
وشوي لعب كوووره وشوي مطارده وربي احيانا ودي ابككككككككككككككككككي ..
الله يعينك ياررررررررررررب ويعينا