جيس كيك الككاو وسر خلطتها : ) لا تطوفكم !!!!

بسم الله الرحمن الرحيم السلام عليكم خواتي .. : ) بصراحه انا اول مرة اشارك بموضوع فا ابيكم تدعموني بتشجيعكم لي :) ماوصيكم هالله هالله فيني : )

اليوم حبيت اعطيكم وصفتي السرية حق كيكة الجيس كيك الككاو .. بعد ما فشلت فيها كذا مرة .. بس الحمدلله ربي وفقني وصرت ملكة الجيس كيك بالبيت والكل صار يطلبها مني .. حتى رفيجاتي .. واهلي بالزوارة :)

مممم تبون تعرفون ؟؟؟
لحقووني عيل :)

المقادير:
1 علبة بسكوت دايجستف الي علبة لونها احمر
3 بيضات
1/2 علبة ككاو بستلة ( نيس كوك)
1 قلاص جبن كرفت ويفضل نوع ثاني لانه كرفت وايد مالح بس كمثال ( جبن تعاون حق الي بالكويت )
1 كوب سكر
2 زبدة
3 علب قيمر ( KDD)

الطريقة:
اول شي طريقة عجينة البسكوت :
تاخذين ماعون الجيس كيك المعروف ذو القاعدة المتحركة على قولتهم
وتطحنين البسكوت بالخلاط لين تشوفينه صار كأنه رمل :)
تذوبين باكيت الزبدة على النار ليمه تصير سائلة جداااا
تخلطين البسكوت معه الزبدة وتضعينهم في الماعون المتحرك
تاخذين الماعون وتحطينه في حمام مائي لمدة 1 ساعة فقط في الفرن على نار هادية

طريقة عجينة الككاو:
تخلطين ( سكر, قيمر,ككاو,بيض,الجبن) في الخلاط لين اصيرون مزيج متجانس جيدااا
تاخذين الخلطة وتحطينها فووق البسكوت وتحطينها بالثلاجة لمدة 4 ساعات ! حرصي على انه تكون 4 ساعات مو اقل عشان تاخذ وقتها وتجمد الخلطة ويستحسن تحطينها بالفريزر

وبعد هال4 ساعات تطلعينها وتشيلينها من الماعون بحذر :) وتزينينها على ذوقج .. واذا تبون رايي ؟ .. حطي عليها ككاو (فليك ككاو واليديد معه حليب ) كسريه لين اصير مفتت حيل .. ونثرييه على الكيكة من فووق بواسطة مشخل الشااي :))

وبالعافية انشاللة :) وارجو ان اكون فدكم ودعووووولي اذا عجبتكم النتيجة وجربوها ولنشالله ماتندموووون : )) :cook: