الظاهر زوجك متبع نظام صحي حاولي تتفاهمي معاه
اوك هالنظام في صالحك و صالح اطفالك بس النفس تشتهي

نوعيت زوجك اقتصادي ومايحب التبذير
طيب انتي خذي بالكيلو شوي اقل من ربع اكثر من صنف اقصد الاجبان والزيتون والقشطه والمربيات
وشوي شوي بيتعود بس ماك وهارديز وو تراها مب صحيه افضل حرمك منها لصالحك

حبيبتي مالك الا هانقرستيشن✋🏻✋🏻✨
اطلبي و لحد بابك يوصل لكن جهزي لهم الفلوس




زوجك انا عرفت ايش نوعيته
هو من اللي ما يوفر الا اللي يحب
كريم لكن على اشياء معينة
فلذلك مالك الا ذالتطبيقات اطلبي منها والله انها نعمة علينا الله يجزاه خير اللي صلحها لنا

لا صعب تطلبين من وراه

اتصلي عليه وهو برا او ارسليله رساله انك مشتهيه شي معين
لييين مايتعود

اكيد في الاول بيقولك مو لازم

سكوتك بالنسبه لزوجك يعني قبولك وموافقتك على رأيه
الحل هو الحوار ومحاولة الاقناع
طالما هو كريم وما يقصر عليك لكن عنده مشكله في مشتريات واغراض البيت مايعرف يتصرف ويوزن الامور

ناقشيه وافهمي منه ليش يتصرف كذا وش اللي يمنعه يجيب طلبات البيت كامله
واذا قال احنا شخصين لا تسكتين وتبلعينها عبري عن استياءك وعدم اقتناعك واشرحي له وجهة نظرك واحساسك بالتضييق عليك منه

واطلبي منه يعطيك سبب منطقي غير انكم شخصين لانه حتى لو شخص واحد التنويع مطلوب بكميات بسيطه

واذا هو مايحب صنف ماله أي حق يمنعك منه ولا يمنع عياله واضغطي عليه قولي هل السبب مادي لانه واضح ما يقبل ينقال عنه بخيل .
واشرحي له ان الاجبان والمربى والحليب والمعلبات بشكل عام تاريخ صلاحيتها طويل ممكن لو اشترى وبقى منها شي بسيط ماراح تنرمي بالعكـس راح تنوكل بعدين .
وانا شخصياً لو مكانك الحاجه بتخليني اتعامل مع خدمات التوصيل سواء بقالات او مطاعم واذا اعترض وفتح فمه ماراح اسكت بحرجه اني محرومه من تزوجت اكل على مزاجك انت واللي تحبه وتشتهيه انت تعبت طفشت مليت ... الخ
حطي في بالك ان السكوت يعني رضا وقبول وزوجك تعود كذا ويظن انه اقنعك

وحاولي تشرحين له وتقنعينه ولو ينفع تحرجينه احرجيه ان اهلك دخلو وشافو ثلاجتك فاضيه
واساساً المطبخ ومقاضي البيت من اختصاص الزوجه يفترض هو ما يتدخل الا اذا الميزانيه ما تسمح غير كذا ماله حق يحرمكم .
كل شي الا الاكل دام الله انعم عليكم ماله داعي حركات البخل والتقشف على غير سنع