جينتنور شامبو للقشره(تجربة المنتج) تعالووا اخبركم شو صار

السلام عليكم..

كيف الحال شو اخباركم..حبيت اخبركم عن شامبو للقشره..فعلا ممتاز...بس لاحظت النتايج لاني صار لي اسبوعين وانا استخدمه...

المهم نبدء بسم الله..

رحت لصيدليه..وقتله اريد شامبو للقشره ...وخبرت الصيدلاني اني استخدمت كذا شامبو ما فاد..فقال خذي هذا الدواء Gentinor intensive قال هذا الدواء على شكل سائل تحطينه على شعرج...وتخلينه ساعه..وهو يخفف التساقط...طبعا..انا لما حطيته اول مره...حسيت بحكه شديده الله لا يراويكم...وريحته ..ام يعني عاديه..مو سيئه وسعره 55 درهم والعلبه صغيره..لكن فاد معايه وراح استمر باذن الله لين ما تروح القشره..وهذي الصوره


طبعا على ما اعتقد هوه منتج الماني والله اعلم..ما اذكر...بس اهم شي انه مو امريكي:21:



وعطاني هذا الشامبو اللي اسمه Gentinor shampoo ..هذا الشامبو ضد القشره ويخفف التساقط الشعر...قال لما تستخدميه تخلينه عشر دقايق وتغسلين شعرج بعده...طبعا انا ما احط اي شي على فروه الراس لانه يزيد القشره..يعني كريم لشعر او ما شابه..وجربت وحطيت...وحرق فروه راسي ..لكن بعدها خف..وسعره 39 درهم وهذي صورته



وقال راح تلاحظين ان القشره تتساقط على شكل قطع كبيره..وفعلا...وقال انها بدايه جيده..حتى تختفي القشره...والحمد لله خفت القشره بس ما زالت موجوده...وبالاستمرار والتوكل على الله سبحانه راح تروووح...بنات ترا اول مره حرقني المنتج بعد كذا عادي ما حصل اي شي..يمكن هذا التفاعل ..او شي ثاني...فيلسوفه ترا..ههههههههههههههه

يمكن راح تلاحظون اختلاف في العلبه...والاسم اللي في الصوره الماني..لكن اللي كتبته انجليزي..واذا بغيتووا تشترونه اكتبوا الاسم اللي انا كاتبته بالانجليزي...وراح تحصلونه في الصيدليه...

اي سوال انا حاضره وبرد عليكم باذن الله...

تحياتي:04: