جيني موتو ( الملح الاندونيسي) هل تضيفيه لاكلك ؟!!!!!

صبحكم الله بالبركة ومساكم بالخير ....
كيف الحال بنات حواء ... اليوم حبيت احكيكم عن حكاية حصلت معانا وحبيت تستفيدو انتو كمان .. المهم رحت زيارة لاهلي بجدة وكانت عندهم شغالة اندونيسية هذي الانسانة جميلة وعليها ما شاء الله شعر واصل للركب بغزارة اتوقع انها من الرحالة اللي استقروا باندونيسيا و اصولهم يمنية .. المهم اذا صرنا نطبخ تلاقوها واقفة على روسنا تشوف ايش نحط على هذي الطبخة فيه شغلة اذا حطيناها تقول انا مو جيعان علشان ما تاكل .. المهم شكلها طفشت من الحالة هذي ويوم من الايام جات واحنا على وشك نحط الشي نفسه ( الجيني موتو ) مسكت بايدينا وقالت لالا ما فيه يحط هذا الجيني موتو هذا ما فيه كويس حق شعر هذا يخلي شعر شوي شوي يطيح وووووووو.. المهم وحده من اخواتي تحب تحطه على كل شي .. وهي تعاني تساقط بشعرها وقررت تبطله وانا كمان كنت احطه احيانا على الاكل ووقفته ..

الخدامه مشكورة حذرتنا منه على اساس له اضرار على الشعر والجسم ايضا لكن ما فهمنا منها شي لانها جديدة وما تتكلم الانجليزي كمان .. المهم هي بتقول انهم ابد ما يستخدموه علشان يحافظوا على شعورهم ..

وعن تجربتي من شهرين بطلته وكان عندي مشكلة في تساقط الشعر وكنت بديت اقرع من قدام الحين لاحظت انه شعري افضل وما عندي فراغات بالمرة .. لكن تبقى عندي مشكلة الانيميا يعني لازم تأثر نوعا ما ..

حبيت احذر اللي تحب هالجيني موتو .. يمكن ما تكون معلومة جديدة بس اكيد فيه ناس مو عارفين .. تحياتي