اكثر وقت كان يجيني ضحك هستيري في الفصل ايام متوسط وثانوي وكنت انطرد انا وصحباتي احيانا شئ تافه بس يمكن كثر الضغط والحصص اما الحين بعد الزواج والعيال احس خفت الحاله بس لازالت

موقفي طاازج مع زوجي

رحنا لمستشفى يوم وصلنا الاستقبال كان زوجي قبله يكلم واحد عن موضوع وان فيه واحد اسمر معقد الموضوع وشغلة زي كذا

المهم يوم وصلنا الاستقبال جينا بنسأل عن الدكتور قال زوجي نبي الدكتور الاسمر قصده السوداني المشكلة اللي في الاستقبال قام يصحح له قال : قصدك السوداني

انا هنا التفت على زوجي قلت له تراك جبت العيد وش اسمره انت !!!!


قال انا قلت اسمر !!!!!!!؟؟؟؟؟ :huh: :surprised

واستلمنا ضحك كل ما حاولنا نمسك انفسنا ماقدرنا حتى صرنا ن نتعذر للاستقبال وحنا نضحك

انتي متلي انا وبنات عمي وسعولي صفحه لمن اخلص واجيكم

يازين المواقف وياكثرها
انا واختي دايم تجينا هذي الحاله وخصوصآ اذا كنا في زياره عند احد نضحك ضحك مهابيل والله لدرجه انه بس كل وحده تطالع لثانيه وتموت ضحك
وطبعإ امي الله يحفظها لما نكون بالسياره تقوم علينا بانواع التهديد والوعيد وبمجرد اول مانجلس ويصير موقف خلاص نضحك


وغير ذاك ف الليل قبل النوم لدرجه انه اختي الكبيره قامت تضربنا ومع ذاك استمرنا بالضحك لا زودناه كمان لما تروح تضرب وحده الثانيه تموت ضحك
الظاهر ذيك الليله قضتها مشاوير وضرب هبلنا فيها جنناها ع الاخير

يآ حسرتي مآ أذكر :(
رغم انهآ كثير كثير هآلموآقف !!
وه الولآدة الظآهر صدق تنسي :(