أنا بديت من يومين بنظام حسيته سهل وإن شاء الله بستمر عليه لين ما القى النتيجه اللي اباها ولأني ابا اتم دايما حلوه بعيون ريلي :p

كل شي بذكره هنيه خذته من المنتدى والله يجزا البنات خير الجزاء

بخبركم شو اسوي من راسي لين ريولي :09:

1) حق شعري :3_2_21v:
استخدم زيت رتاج بس ما استخدمته إلا مرتين بس وماقدر احكم عليه من الحين...
طبعا ما انسى حمام الزيت اللي البعض يسميه حمام كريم...... في خلطه بعد ناويه استخدمها وهي تستخدم مره وحده في الأسبوع وخذتها من المنتدى وهي عباره عن علبة مايونيز كبيرة وراس ثوم وعلبة دابر أملا كبيرة تخلط مع بعض وتنحط في الثلاجه وتنحط على الشعر من 2 -5 ساعات..... طبعا مايخفى عليكم فايدة الأملا لتكثيف وتطويل الشعر..... والمايونيز للتنعيم....... والثوم لتغذية وتكثيف الشعر يعني اضرب 3 عصافير بحجر :42:

حق جسمي امشي على خطوات معينه بس ماطبقتها كلها بس بقولكم جدولي:::
اول شي ا دهن جسمي كامل بعصير ليمون واخليه لين ماينشف عدل وبعدين آخذ قشر الليمون وافرك جسمي لييييييييييييييييييين ما اتعب :09: واخليه ينشف....... بعدين (الخلطه بعدني ماسويتها لأن البودره ناقصتني) كوب ماء ورد ونصف كوب او ثلاث ملا عق اكل زيت زيتون وملعقة ملح اوسكر +قليل من الماء ونصف كوب بودرة اطفال ومثل ماتلاحظون كلها أشياء مامنها ضرر إن شاء الله والمفروض تنحط على الجسم مدة ساعتين........ قبل ما ادخل اتسبح بنص ساعه ادهن المناطق السودا في الجسم بخلطه عباره عن علبة جلسرين صغيره + 3 ملاعق فازلين + نص علبة ماي ورد... إن شاء الله ماكون نسيت شي بعد واخليهم على النار لين ماتذوب مكونات الخلطه واحطهم في علبه نظيفه وبعدين في الثلاجه........ بعدين الله يسلمكم في الحمام الله يعزكم اخلط 3 ملاعق كبيره حنه + 3 ملاعق كبيره كركم + 3 ملاعق كبيره حليب بودره + 3 ملاعق كبيره سدر واعجنهم بماي دافي لتفتيح المسام واخلي الخلطه على جسمي ربع ساعه أو أكثر على حسب المزاج :22: ..... بعدين اغسل جسمي بدون فرك واكون مجهزه زيت زيتون ويا سكر عشان اسوي سنفره حق جسمي واتم افرك لين ما اتعب......... بعدين اغسل جسمي بشاور جل أنا استخدم بيبي جونسون اللي بالعسل........ المهم بعد ما اخلص انشف جسمي عدل وادهن جسمي بيبي لوشن علبه كبيره ويا مر مطحون...... في خلطه تستخدم قبل النوم بس بعدني ماجربتها وما اذكر شو مكوناتها إذا جربتها وشفت نتايجها بخبركم

أكيد بتقولون كيف نقدر نسوي كل هذا ونحن حوامل ومالنا بارض حق شي....... أنا كنت اول 3 شهور مهمله في نفسي وما انتبهت حق هالشي إلا يوم شفت كيف بشرتي تدمرت واسودت..... أكيد هذا من تأثير الحمل بس هالشي مب معناته نهمل عمارنا والحمد لله أنا باديه بحماس وإن شاء الله هالحماس مايخف...... كله في سبيل المحافظه على الجمال يهون خخخخخخخخ :42:

آخر شي يا حلوين بشرة ويهي::::::
احط زبادي على ويهي كل يوم مدة نص ساعه في أي وقت........ عندي غسول طبي وتونك ومعقم للبشرة وصفه لي دكتور جلديه مناسب للبشره الدهنيه بس لا حد يقولي عطيني اساميهم لأن اخاف إنه مايناسب أي بشره......... طبعا استخدمهم 3 مرات في اليوم قبل ما اروح الدوام وبعد ما ارد من الدوام وقبل النوم........ عطاني بعد كريم لتبييض البشره وقال ماشي منه ضرر على الحامل إن شاء الله بس أنا ما استخدمه وايد....... الاحتياط واجب......... اسوي سنفره حق ويهي مرتين في الأسبوع بزبادي وسكر وساعات احط عليهم شوية ليمون واحطهم على ويهي واستخدم فرشاة أطفال كهربائيه للسنفره..... هاذي طريقة الأخت توليب الله يشفيها وبصراحه لاحظت إن ويهي ينور بعد كل مره اسوي فيها سنفره......... يوم أكون في الحمام الله يعزكم واحط الحنه والكركم والسدر والحليب على جسمي احط منهم على ويهي بعد عشان يستفيد........ يعني اسوي 2 ماسك حق ويهي كل يوم....... في خلطة لكلف الحمل البنات يمدحونها للأخت NOOR AL_HUDA وهي عبارة عن زبدة كاكاو من بالمرز علبة صغيره + زيت جلسرين 200مل + زيت سمسم 20 مل..... تضرب في الخلاط وتقدرين تستغنين عن زيت السمسم وتوضع في علبه بلاستيك في مكان بارد وليس في الثلاجه..... وبعدين تبللين جسمج بالماي او تبللين منشفه بالماي وتفركين فيها جسمج وتدهنين ويفضل بعد الاستحمام..... والدهن بالتدليك مومسح لا دلكي جسمج وتنفع للي حامل وللي ولدت وتنعم وتزيل الكلف مره بمره...... وبعد في خلطه ثانيه إن شاء الله بجربها عباره عن صفار بيضه + نشا تستخدم مره في الأسبوع تفتح البشره وتخفف شعر الويه....... ماجربتها لأن ماعندي نشا........ وطلبت من الوالد عسل طبيعي عشان احطه على ويهي بعد وإن شاء الله احصل النتيجه اللي اباها لأن الاشيا الطبيعيه تاخذ وقت

على فكره اللي لاحظته خلال هاليومين إن ويهي نور وتحسن وركبي فتحت بشكل ملحوظ وإن شاء الله بستمر وأنا وايد مرتاحه على هالنظام واحسه وايد سهل...... وعشان ما اتكاسل حضرت كل الخلطات وحطيتهم في الثلاجه طبعا إلا الخلطات اللي لازم اسويها يوم بيوم

ادري اني طولت عليكم بس حبيت افيدكم بكل اللي عندي واي استفسار أنا حاضره
((في قسم الحمل والولاده بتحصلون مواضيع وايد مفيده عن الأشياء))

للرفع

اهلييين
اولاي ومضاد مضرررره اسالو مره ثانيه عنها

انابليل خالطه لي جلسرين مع شوي ليمون وشوي فازلين

والصباح احط مرطب وبس

مشكوووووووووووووووووووووووووووووورين علي المعلومات الحلوة

اب ان شاء يفيدونك

:)