انا سافرت السنه هذي وانا توي حامل وانا مثلك كنت محتاره مرررررررررره وسافرنا للنمسا وفيها مشي اكثر من شرق اسيا
بعد انا اخطر منك لاني كنت بالاشهر الاولى والدكتوره عطتني مثبت احتياط
روحي واذا مكتوب يجيك شي بيجي وانتي ببيتك خوذي فيتامينك وروحي بالعكس هناك ماتحسين بالتعب
والله يتمم عليك

اسالي الطبيبة افضل

اختي اول شي استشارة الدكتوره افضل
انا سافرت في الشهر الخامس لاستراليا و الرحله كانت 16 ساعه في نصها نزلنا ساعه لسنغافوره .. الحمدلله ما تعبت و انا عندي ثنين و كنا نمشي كل يوم تقريبا من 3-4 كيلومتر .. و الحمدلله الله يسر و سهل علي .. اصلا برودة الجو عندهم وايد ساعدتني
بس لازم تتحملين على عمرج و ترتاحين متى ما حسيتي انج بحاجه للراحه و كل شي شوي شوي و ما تشيلين اي شي ثجيل
مع ان الدكتوره عطتني حبوب مانعه للتقلصات آخذها في الطياره بس نسيت ما آخذهن و الحمدلله ما صار شي

لأ لأ لأ أكبر غلطه تسويها الحامل السفر ... ياجماعه ماتدرون شنو ممكن يصير بلحظه وحده خطر والله , لو صار شي راح تتبهذلين بديره ماهي بديرتج واللي طلع من داره يقل مقداره ، انا جربتها في لبنان نزل علي دم و انا هناك و كنت في بدايه حملي و رحت المستشفى الامريكي بس الله لا يراويكم الدكتوره تقولي حمل خارج الرحم و لازم تسوين عمليه !! رجعت على الكويت و سويت سونار و مافيني الا العافيه و الحمل طبيعي بس من الاجهاد و الحركه نزل علي دم و طاح جيس و ظل الكيس الثاني اللهم لك الحمد و عقبها تووووووووووبه ما اسافر و انا حامل ، و في ناس سبحان الله مايصير معاهم شي بس السؤال يقول لو صار معاك شي و هذا احتمال وارد لانك حامل فكري شنو بتسوين وانتي مو في ديرتك و سلامتج :)

شوفي عيوني في حملي الأول كان لمصر وهي قريبه يعني تقريبا ثلاث ساعات بالطياره ما حسيت بشي لكن تعبت اثناء الرحله نفسها معدتي كانت حساسه من اي اكل الله يكرمكم استفراغ واسهال وزوجي ياكل معي نفس الشي وما صار معاه شي غير اني كنت احس بلإجهاد دايم .. اما في المره الثانيه حملت وانا في ماليزيا وحملي ما كان له اسبوع اوكنت ما ادري اني حامل لكن شكيت من شدة الألم في رحلة العوده من شدته في اسفل ظهري والله صرت ابكي وكنت حتى لما اعطس احس بألم حاد اسفل بطني يعني معاناه رحله مدتها تسعه ساعات او سبعه ما افتكر ابدا ابدا مي هينه على الحامل انتبهي واستخيري ..