حابة استشيركم خواتي.. لا تردوني ..

السلام عليكم حبيباتي ..

حابة استشيركم بشي مضيق صدري هالايام :09: و ما ادري يحق لي اتضايق و الا لأ ..
انا صارلي سنتين متزوجة بعيد عن اهلي و ساكنة عند اهل زوجي بغرفة و حمام الله يكركم ..
و كنا ناوين انا و زوجي هالصيفية نطلع في شقة خاصة فينا .. لان انا الصراحة ودي استقر في مكان لوحدي خصوصا انه فيه في البيت اخوان زوجي كبار و ابد مش ماخذة راحتي .. و زوجي دوامه طويل و عادي اجلس في الغرفة طول اليوم الا ما اجي والله محد يحس فيني في البيت لو اموت في غرفتي محد حاس.. انا بعد يمكن طبعي استحي و ما احب افرض نفسي على احد .. فانطويت بغرفتي .. بس المشكلة الحين انه عمي ابو زوجي رافض فكرة خروجنا قطعياً بحجة انه انا ادرس .. و بحجة انه راتب ولده مش حيل قوي .. هو راتبه 10 الالاف تقريباً.. و الحمدلله احنا جالسين نجمع عشان خرجتنا من البيت .. بس هو ابد مش مقتنع يقول لزوجي زي ما انا سكنت في بيت جدك و جدتك لما اتزوجت و جبت 3 عيال انت زيي .. و لما يصير راتبك 20 او 25 الف يالله تطلع .. تخيلوا بنات :44: انا ابغى مكان لوحدي عشان اهلي اذا جوو لي مرات ابوي يجي و اشوفه كم ساعه لانه يستحي في بيت اهل زوجي .. و ابغى يكون لي مكاني الخاص اشغل نفسي فيه كفاية اني بعيده عن اهلي و زوجي دوامه طويل .. و احس اني ساكنة عند اهل زوجي و لا كأني ساكنة معاهم .. و غرفتي ما اقدر اطلع منها .. و غير الازعاج حتى إذا كان عندي امتحان ودي انام ارتاح عشان اذاكر ما اقدر انام من الازعاج .. لان انا مش مكان مفصول لا غرفة وحمام داخل البيت يعني لو افتح باب غرفتي على صالتهم ! و انا اتذكر من تملكت على زوجي كنت طالبة منه انه فكرة اني اسكن في بيت اهلك مؤقته سنة سنتين .. :( بس ايش اسوي بعمي ..اخت زوجي الحين بتتزوج و تخيلوا كان من اهم شروطهم لها بيت لوحدها ! :09: طيب و بنت الناس؟ إلي هي انا ؟!
امس تناقشنا انا و زوجي لاني كنت مرة متضايقة و غير هذا وراي امتحانات نهائية .. قالي زوجي ننتظر و نصبر ..
انا سكت ما قلت له شي .. لاني ما احب اناقشه في هذا الموضوع لان ماله دخل .. وهو مستحيل يسوي شي ابوه مش راضي عنه .. بس عمي مرات الله يهداه يطلع في قررات مالها اي سبب مقنع .. و للمعلومية تراه هو عنده خير و نعمة ما شاء الله .. يعني ابد مش ناقصهم فلوس .. بس ايش اسوي ؟؟ ما اعرف يا بنات يحق لي اتضايق ؟ رغم اني احب زوجي و اموت فيه و ما اتخيل نفسي اعيش بدونه بس مرات افكر ليش تزوجته و كان اخذت واحد عند اهلي و مكون نفسه .. بس النصيب .. لان هو تزوجني صغير الان راح يكمل بالعمل 3 سنوات فقط ..

افيدوني بنات و يريحوا بالي انا ما ابغى مشاكل مع احد بالعكس اعرف نفسي راح اسكت و اصبر .. طيب هل هو صح اني اصبر ؟ مع اني والله لو قلت لاهلي و طلبت ابوي ما راح يردني في شي .. بس انا ما احب ادخل اهلي في اي شي و اضيق صدرهم معاي ..:(

ربي يشرح صدري و صدركم و ييسر اموري و اموركم .. و يوفقنا و اياكم بالدنيا و الاخرى ..

انتظر ردودكم الي تبرد القلب .. و اسفة على الاطالة ..:26:

عزيزاتي .. الله يجزاكم خير كلكم على ردودكم .. و من جد محتارة ايش اسوي انا قلت الحين بصبر لانه توه يقولي انه بيرجع يفاتح عمي بالموضوع ، خصوصاً انه خالتي ام زوجي واقفة معاي الحمدلله .. انا قلت بصبر و بسكت هالفترة و مالي إلا الدعاء عسى ربي يحقق إلي في بالي ياااارب.. و ان شاء الله راح ابغلكم إذا صار شي ..

الله يجزاكم خير كلكم حبيباتي .. و الاخت الي سألتني ليش ما اشترطت بيت لحالي من البداية ؟؟؟ لاننا احنا ما عندنا البنت تتشرط .. و انا كنت متفقة معاه سنة او سنتين الى ما اتعود على الغربة و امشي في دراستي :)