حابة اشترى اسهم بس محتارة ممكن مساعدة بنات الامارات

اختى تبريد ما عرف عنها بس قريت في الجرايد عن اسهم اغذية مطلوبه للبيع ب 8 و6 و5 و3

هاي ا لاسعار الى شفتها

ومن نا حية الافضل ما عرف تونى اقول يا هادي في الاسهم لسه جديدة
وان شاء الله الاخوات بيساعدونك

شوفي أنا صار 3 شهور من عرفت سوالف الأسهم ... لكن ما بتفلسف عليج ..
والمشكلة اللي أواجهها ... ويمكن صغار المستثمرين بعد .. اللي هي الفلوس ..
خليني أوضح لج ... وايد شركات نزلت بالسوق ... ويادوب تبين تاخذ أسهم في شركة تلاحظين شركة ثانية تطرح أسهم .. فما عندج مبلغ عشان تشترين ..

يعني إذا أسهم لشركة يديده تطرح الحين ... يكون السهم بدرهم ... ووايد من الشركات
تخصص للمواطنين .. ومرات يقولون أدنى شي بــ 25000 ألف على سبيل المثال
وعلى كل سهم بدرهم فلسين للأكتتاب ... فبيظهر 500 درهم بس على الاكتتاب ..
وبعد مايخلصون هالأمور ... يبتدون يحددون كم بيخصصون ...
وطبعا لين مايردون فلوسج شهر ... حد 21 يوم ... خلال هالفنرة شركة ثانية تطرح أسهم ويمكن انت ماعندج إلا هالمبلغ ماتقدرين تشترين ...
المهم سؤالج شو تمام ؟؟؟
اتصالات حاليا أوكي كان السهم 42 وخلال هالأسبوع وصل 47 يعني تخيلي كنتي شارية 500 سهم من السوق بجيمة 21 ألف وارتفع السهم وبعتيه بيستوي 23500 أهم شي ماينزل ..
وحد يخليه بالسنين ... فأقولج شركة آبار اللي انتهى الاكتتاب فيها الأسبوع الماضي جيدة ..
وعندج اعمار ...وعندج الدار العقارية كانت بدرهم والحين نزلت بالسوق صارت 9.44
لكن إذا كانوا مخصصين لج 40 سهم وبعتي بيعطونج 377.6 يعني ولاشي ... إلا إذا في المستقبل ارتفع السهم 40 أو كانوا مخصصين لج 2000 سهم والحين بــ 9 أوكي
أضربي وشوفي الناتج كم ..
تشترين لازم تفتحين لج رقم في سوق دبي المالي الموجود في المركز التجاري ...
وإذا تبين اسهم من أبوظبي زين بعد وفي شهر 5 عندج شركة اسمها طاقة ..
والله وياج