حابة افتح حضانة ببيتي

للرفع لعيونك
للاسف انا ماعندي خلفيه عن هذا الموضوع

مشكورة يالغلا اتمنى من البنات يفيدوني بليز الله يسعدكم........

اول شي حبيبتي افتحيها بطريقه قانونيه عشان تتفادين المشاكل

او اتسوين طلب تسجيل الطفل وفيه توقيع من ولي الامر حسب شروطك عشان ماتتحملين المسؤليه لاي شي ايصير

ثاني شي الوجبات ما انصحك نهائيا انك اتسوينها خلي الاهل يحضرونها مع الطفل عشان لو سمح الله وصار بالطفل شي

مايحملونك المسؤوليه

وعندي أفكار كثيره بموضوع الحضانه وان شاء الله اتفيدك ولا أبي منك غير الدعاء

راسليني باللي تبين وأنا حاضره لعيونك حبيبتي

بالنسبه للأعمار الحضانات عندنا بالكويت يستقبلون من عمر 6 شهور إلى 4 سنوات

وتكون الفصول مقسمه حسب الأعمار

وبالنسبه للمنهج استخدمي البريطاني لانه افضل

وحفظ السور القرءانيه الصغيره

واستخدمي الألعاب التربويه

وشاشات عرض أفلام كرتونيه خاصه في الاوقات اللي بعد الحصص لين ياخذونهم أهلهم

هذا اللي في بالي الحين ولأي استفسار أنا بالشوفه حبيبتي

تسلمين حبيبتي والله ما قصرتي بس انا اشوف ناس عادي تسوي ببيوتها يعني هي عناية بالاطفال في عدم وجود الام وتدريسه اشياء بسيطة فقط واللعب الله يعطيك ما تمنيتي يارب وجزاك الف خير...