حابة افتح معاكم موضوع محرج جدا

مساكم الله بالخير


بنات انا قصدت احط هالموضوع بهالقسم .. لانه فعلا مشكلة اجتماعية ونفسية .. وتؤثر في كل وحدة تعاني منها ..وممكن تكون سبب عزلة عشان ماتسمع احراجات من الناس .. وبما انه انترنت أسهل علي اتكلم عنها ( حابة كل من تمر بهالمشكلة تشاركني بالموضوع)

( رائحة ) العرق

طبعا الاغلبية بنظرهم لو صادفو وحدة بتشتكي من هالمشكلة .. بيقول .. هذي ماتتنظف؟ هذي ماتعرف الصابون؟ هذي وهذي .. بس للأسف بنــــــــــــــــــات .. احيانا تكون مشكلة مرضية


انا بقول نبذة بسيطة عن اللي حاولت اسويه عشان اتخلص من هالمشكلة بس للاسف ماقدرت

انا اعاني من هالمشكلة من فترة البلوغ او المراهقة .. الى الحين :( ( الله يفرجها ان شاء الله)

اولا: الاستحمام يوميا او مرتين في اليوم ..بالنسبة لازالة الشعر بالحلاوة امر مفروغ منه .. استخدمت انواع من مزيلات العرق الطبية مثل لويس ويدمر روك كلينك كلارنس دوف نيفيا Teen Spirit stick ووووو وكل مايخطر على بالكم من المزيلات..... والطبيعية .. مثل الليمون الخل العسل الشبة .. من غير نتيجة

غيرت نظام اكلي لمدة شهر كامل حرمت نفسي .. من اللحوم والدجاج والدهون وكل شي يسببب ريحة من بصل او ثوم او بهارات اي شي ممكن يسبب ريحة .. كثرت من شرب الماي وبعد من غير نتيجة !! وغير هذا اكلنا الطبيعي عادي كل العيلة تاكل منه

سويت تنظيف قولون .. من غير فايدة

تعالجت بالرقية الشرعية

رحت لدكاترة ومن غير مايفحصون .. الجواب .. هذي مشكلة لازم تتعايشين معاها !! شلون اتعايش !! الله اعلم

وبالنسبة لمسألة اني ممكن اتخيل .. للأسف لا لأن هذي المشكلة احسها انا والناس اللي حولي


بحثت على النت ..واللي طلعت فيه ممكن يكون مشكلة بالغدد او هرمونات او او .. بس مب عارفة اي غدد بالضبط اي هرمونات بالضبط ومو لاقية دكتورة تفيدني .. يعني لما اروح المستشفى اقولهم سولي فحص لاي هرمونات ؟!


آنا من قطر .. ياليت اللي من قطر وتعرف دكتورة جلدية او غدد ممكن تعالج هالمشكلة تفيدني

واخيــــرا ياليت كل وحدة مرت بهالمشكلة وتعافت او تعرف حد مر فيها وتعافي تفيدنا .. واللي ماعندها جواب تدعيلي :(