السلام عليكم ورحمة الله وبركاته
الموضوع للترفيه واشباع الفضول اكثر من اي شيء ثاني, للاسف تعلم هالشغلات ياخذ شهور (واي واحدة تقدر تتعلمه لو عندها رغبة جادة وطولة بال) :smheart:
1)لكن العبرة منه:
- خلط المواد الكيميائية بشكل عشوائي مثل مايسوون بعض الاخوات خطير
- بعض المواد الكيميائية ماتتسخن, وشفنا مواضيع بالقسم لبنات يطبخون كريمات جاهزة !! :confused-
- بعض المواد الحافظة لو سخنتيها ينتهي مفعولها! يعني ممكن يطلع فيها بكتيريا بسبب التسخين
الصور من اليسار الى اليمين ومرقمين على هالاساس...
2) العدة الي نحتاجها
أ) ميزان
ب) 2 ثيرموميتر لقياس الحرارة
ج) فرن كهربائي متنقل مايستخدم للطبخ
د) ملاعق صغيرة وكاسات للقياس بلاستك وزجاجية وكلها ماتستخدم للطبخ
هـ) المواد الكيميائية الي نحتاجها بالكريم
و) جهاز لقياس مستوى الحموضة
هذي صورة للمواد نفسها (حاطتهم بعلب معدنية مع اكياس سليكا بسبب الرطوبة)
3) الطريقة
2-4) اول شغلة كنت محددة بورقة الكميات الي ابي من المواد... مثلا 50% ماء, و10% زيت, ومثلا 2% فيتامين أ, و5% فيتامين سي .... الى 100%
اخذت القياسات بميزان دقيق جدا...
5) الحين وقت اذابة المواد هذي.... حددت الشغلات الي تذاب بالماء والشغلات الي تذاب بالزيت وفصلتهم عن بعض زي الي بالصورة ... (فيه مواد ذوبتها من قبل بمواد غير الزيت والماء لانها ماتذوب بالاثنين هذول) ...
6-8) خلطت الشغلات المائية مع بعض (فيه طريقة ثانية اعقد وافضل, بس لاني كسولة وماعندي وقت! :smheart:)
9) اخذت الخليط المائي وحطيته شوي عالنار لدرجة حرارة ماتزيد عن الـ 35 مئوية... لان عندي مواد زي الفيتامين B5 (البانثينول) مايتحمل الحرارة... (انا حطيته عالنار وانا اخلط لاني لاحظت شوية حرارة تساعد ان المواد تتجانس وماتتفكك مع مرور الشهور)
10-12) خلصنا من المواد المائية, نروح للزيت...اول شغلة سخنته لدرجة حرارة 70 مئوية لاني ابي اضيف مواد ماتذوب الا بهالحرارة... المادة الصفراء الي بالصورة العاشرة هي الي تخلي الماء والزيت يتجانسوا... (هنا اقدر احدد اذا ابي كريم او لوشن... لو زدت الكمية صار كريم ثقيل, بس لاننا داخلين على صيفية بغيت شيء خفيف وزدت كمية الماء باللوشن)... خلطتهم زين
11... هنا خفضت درجة الحرارة لتقريب الاربعين... واضفت مادة برتقالية ضد الشيخوخة (لانها ماتتحمل درجة حرارة عالية) زي ماشفنا بالصورة 12 ... بسبب المادة هذي الكريم شكله بالاخير اصفر مو ابيض :D
13-15) حان وقت خلط الماء مع الزيت, ولازم الاثنين درجة الحرارة حقتهم تكون زي بعض... هنا يبدأ الكريم يتغير لونه ويصير ابيض... زي الكريمات الي تستخدمون... لو تلاحظون الصورة 14 و 15 الكريم لونه فتح شوي وبدأ يثخن وتزيد كميته... لكن لاني اخترت مادة صفراء النتيجة النهائية اصفر :D
16) لما برد الكريم وانخفضت الحرارة اضفت المواد الحافظة وريحة فانيلا تفتح النفس :biggrin2: ....
(نسيت اصور قياس مستوى الحموضة, بس كان مضبوط ما احتجت اضيف شغلات تزيد المستوى والا تخفضة)
وبسسسسسس ... هذا شكله النهائي... المفروض حطيته في علبة ثانية لها عصار, بس ماعندي المقاس الصحيح ومابغيت اقسمه على علب مختلفه! :D ...
وطبعا كان هناك شغلات واجد للغسيل والتنظيف والتعقيم... <<< اخيس لحظة :(
وشكرا لكم!