السلام عليكم ورحمة الله وبركاته :
نعلم أن التفصيل عند الخياط أفضل وأرخص من المشاغل ولكن تواجهنا مشكلة وهي عدم توفر قياس مناسب لك ولذلك تضطرين التفصيل في مشغل نسائي وإليكم بعض الحلول ....
الحل الأول : انك تكتبين المقاسات في ورقة ةتودينها عند الخياط بس يمكن الخياط ما يعرف عربي (وهذا الغالب ) أو إنتي لا تعرفين الانجليزية .....لذلك كل ما عليك هو أن ترسمي موديل للثوب سادة زي كذا
وتحطي عليه المقاسات بالإنش عن طريق رسم اسهم ووضع القياس عليها كما هو موضح في الشكل التالي
وبكذا راح يفهم المقاسات مضبوط ولا تنسي تعطيه الموديل اللي انتي تبغيه وتوضحي عليه الزيادات يعني لو حابة يكون فيه ذيل توضحي طوله وكذلك بالنسبة للأكمام
ضروري توضحي على الرسمة المقاسات التالية :
الطول الكلي
طول الظهر
طول لصدر
دوران الذراع (ضروري يكون من أكبر منطقة ممتلية في الذراع عشان يعرف يرسم حردة الابط مزبوط )
دوران الاسورة
دوران الصدر
دوران الخصر
طول الكتف
دوران أكبر حجم (نسيت اوضحها في الرسمة)
عرض الكتف من جهة الظهر (كمان نسيت أوضحها بالرسمة)
طول الكم ولا تنسي وانتي تاخذي المقاس تكون ذراعك مثني للداخل قليلاً
هذا بالنسبة للحل الاول ...
الحل الثاني : إنك بعد ماتاخذي قياساتك ترسمي باترون وتوديه يفصل على طول ... طيب إذا ما تعرفي ترسمي باترون ارسميه عن طريق الكمبيوتر باستخدام برنامج pattern maker 7 يعني حطي قياساتك فيه واختاري الموديل اطبعيه على ورق كمبيوتر وجمعيه عن طريق اللاصق وقصيه ووديه الخياط وراح يخلصه بسرعة لأن كل شي جاهز بالنسبة له وراح يكون أرخص عن تجربة ...
وهنا شرح استخدام هذا البرنامج
شرح اتخدام برنامج patternmaker7
إذا استفدتوا من الموضوع ادعوا لي واذا لم تستفيدوا كمان ادعوا لي (طماعة ) :22: