حابه أشاركم بسالفة زواجي وحملي

السلام عليكم ورحمة الله وبركاته
إخواتي أنا كنت كلما أنخطب تصير حاجات كتيره مننا منهم ويتفركش كل شي. وفي ذيك الفتره اتعرفت على عالم حواء صدفه عن طريق جوجل. وقريت عن الإستغفار . وصرت أستغفر طول الوقت وبديت أصلي وسبحان الله . وحده عرفتها في معهد لغه كنت أدرس فيه جابت لي صديق زوجها وصار واتزوجته للعلم أنا قبلها كتير كانوا يلوموني اني مو إجتماعيه ولا أروح زواجات. وفوقها على طول لابسه عبايه وما ألبس ألوان وعلى الموضه على رأيهم لأني في بلد إختلاط. فلما أتزوجت زوجي الكل استغرب من فين عرفته.
المهم بعد الزواج بعدة شهور حملت وكان وحمي مره صعب وتنومت في المستشفى وما كنت أبلع حتى نقطة مويه كله على المغذيات. قعدت لنص الشهر الثاني وسقطت وسبحان الله لما قالولي الجنين مات وبنسويلك تنظيف صح انفجعت شويه بس على طول قلت الحمدلله شكله كان مشوه. وسويت التنظيف نفس اليوم وخرجت. وقعدت ستة أشهر أقوي جسمي ورجعت احاول الحمل ولا في فايده وبديت تاني أستغفر على طول والحمدلله حملت تاني ورجعت تاني اتنومت من الاسبوع الرابع في المستشفى لما وصلت لأول الشهر التالت وطفشت وكرهت المستشفى فسمحولي أطلع ع البيت وتجيني ممرضه تركبلي للمغذي الليل وتغيره في الصباح . وكل يوم اثنين اروح أسوي سونار تعبت مره الحمدلله والله ي بنات ما كنت أكل ولا أشرب حتى نقطة المويه وبس أخذ أدويه الاستفراغ . المهم روحت آخر اسبوع في التالت ال12 قالوا الجنين ميت المره هذي أنا بكيت بكيت من قلب لأني قلت خلاص الحين أطلع من شهور الوحم . وقعدت أقول ليه وليه استغفر الله . المهم اتنومت وأخذت تحميله تنزل الجنين وشافني الدكتور ورجعت البيت بس رجعت بعد اسبوع اتنومت لانه طلع في بقايا من الجنين ما خلص وعشان كذا ما وقف الوحم. أنا طول الحمل كنت أشوف كوابيس وآخر يوم قبل السونار كانت حرمه تضربني في الحلم في كل مره جنيني مات فيها. المهم سويت تنظيف وصار عندي التهاب وسخونه وتنومت عشره ايام وطلعت البيت. جاني اكتئاب بس ابكي ليل ونهار ولا ابغى اسوي شي. وبعدين قريت في عالم حواء عن التابعه والرقيه ورجعت اتحمست اني أعالج نفسي وبديت استغفر ليل ونهار وأصحى قبل الفجر بنص ساعه واصلي واستغفر وعلى طول الحمدلله لقيت وظيفه مره حلوه وكنت اقرأ سورة البقره على جك مويه يوميا مع الرقيه واشرب منه انا وزوجي طول لليوم قعدت يمكن 7شهور ولا حملت ورحت للدكتوره وقالت يمكن عندك انسداد أنابيب اول ما تجيك الدوره تعالي نعمل الصبغه. هنا انا خلاص حسيت عندي مشكله كبيره ونسيت سالفة اني أحمل قريب بس ملازمه الاستغفار وادعي الله حتى وانا ماشيه في الطريق. وقررنا انا وزوجي نسافر رمضان لتركيا ونقضي الشهر كله هناك . وقبل السفر بعشره ايام أمرض واروح المستشفى ويسألني الدكتور حامل وأقول لا يقولي نسوي فحص قلتله لا ما يحتاج انا متأكده مو حامل ويكتبلي مضاد ومسكن ومن تعبي ما قدرت أعدي على الصيدليه ورحت البيت على طول ونمت. وكم يوم ولا شريت العلاج. ويجي زوجي شايل تحليل حمل وقلي جربي مو خسرانه شي وسبحان الله طلعت حامل فوق التلات أسابيع ونصلي انا وزوجي ركعتين شكر لله. صح توحمت بس المره هذي كنت اتنوم واتحسن وارجع أكل شويه مع الأدويه للشهر الرابع وصرت تمام الحمدالله . وكملت التسع شهور الحمدلله وجبت أحلى محمد ي ربي لك الحمد والشكر . ولادتي كانت صعبه وسالفتها مره طويله مع إبرة الظهر والحمدلله . ****لله أقولها لكم مره تانيه اذا حبيته.