ماشاءالله روعة

ننتظر المزيد

ماشاء الله بصرااااااااااااااااحه ذووووووووووووق وفن

تسلم ايدك على هالمكياج

بالنسبه لشدو كريولان شنو المميز بالشدو المائي عن البودر؟؟؟؟؟
لان ماعندنا الشدو المائي فقط البودر

هل السبب في درجة اللون تطلع أحلى ولااااامجررررررد تقنيه حديثه

يامرحبا بكم عضوات عالم حواء

والله ردودكم اسعدتني وهذا دليل على ان ذوق الخليجيه والمراه العربيه ذوق عالي وراقي

وكان يهمني رايكم لانا بطبعنا صعبات شوي ومانقبل بشي مب راقي

وحمستوني استاذن زبايني اني احط بعض الصور المميزه وان شاء الله قريب

اختي شي للذكرى

الشادو في اول صوره هو عباره عن لون فيروزي وخليني اقولج هو مب الي بنفس الصوره ياي على ازرق شوي ولكن بعد الدمج مع اللون الاصفر والاخضر عطاني هاللون

وهو من ماركه mac اسمه

electric eel satin no#33

شحروره الحبوبه اشكر لج فنج ورايج وخفة دمج وحاضره اختي اسوي لج دوره لان وايدين يطلبون مني تعليمهم لكن دامج تحبين الميك اب بتوصلين ولعيونج تعليم وميك اب مجاني

الموسوسه اختي تسلمين على رايج واسعدني جدا

عطورات شرقيه تسلمين حبيبتي والقادم اجمل باذن الله

طعنة غدر تسلمين غاليتي على رايج وذوقج

المتغليه حبيبتي الله يخليج يارب ورايج اسعدني وبالنسبه للصوره بحاول اسوي شي اوضح اكثر

روعة البشر بالنسبه لكريم الاساس .. اذا البشره مافيها مشاكل من حب شباب وكلف ونمش

احط كيك باودر استخدمها مع الماي من كاريولاين حلوه وايد

واسوي بودره حره من خمس علب تقريبا اللون الاصفر والوردي والبيج ولون خفيف بني وبودره بلمعه مضيئه وبودره مثبته واخلطهم مع بعض بحيث يقارب لونها لون البشره وبتتش بسيط بالفرشه على الويه يعطيها لون مميز وحلو ومضيئ وهذي شغلات فينيشنق تقوم بها الخبيره هي وذوقها

فالبورده المائيه تخفي العيوب البسيطه والبودره الحره تكملها من ناحية اللمسه المخمليه والاضاءه والتثبيت

ريناد 81 حبيبتي اسعدني مرورج وبالنسبه لماركه الشادو في الصوره الاولى ماك

والصوره الثانيه كاريولاين مع شوي من لون بي ناي

والثالثه درجات البنفسجي واييب درجات من كاريولاين وبي ناي لانهم ماركات مائيه وتثبت عند وضعها وغير هذا فيها لمعه احبها وايد وتكون واضحه

مرحبا شوق العيون حبيبتي اسعدني رايج والله يوفقج ويسعدج وبالنسبه للاضاءه تحت الحاجب

انا عندي طريقتين لوضع هذه الاضاءه وتثبيتها الاولى اذا كانت الاضاءه الي بحطها صفرا
احط كريم باللون الاصفر من ماركه سينمائيه اسمها جرافتوبيان وهي تستخدم للافلام احيانا
ثم احط اي لون ذهبي فوقها وشوفي كيف تصير واضحه وثابته
او كريم ابيض

او استخدم مثل الصوره الثانيه اللون الابيض المائي من كاريولاين وبعدها اضع لون ابيض ساتين ويطلع فيه لمعه وتكون ثابته طبعا احطها قبل ينشف اللون الابيض المائي
وبالنسبه للارواج الورديه ومشتقاتها فيه مجموعه جميله جدا من ميك اب فور ايفر في باليت واحد بالوان متعدده الالوان اللحميه والورديه وادمجي الوان تطلع لج الوان روعه

اسعارها معقوله نوعا ما بس مااذكر بالضبط كم والسموحه

عاشقه t اسعدني مرورج الغلا ورايج في الصور وشاكره لج

وتسلمون ربي يوفقكم

هلا اختي اشراقه فتاه الله يشرق لج حياتج خير وبركه ومشكوره

كلمة المرور مشكوره اختي والله يعطيج العافيه

المسافره اختي تسلمين على رايج وذوقج وانا اتمنى اعرف ربع الي تعرفينه من طبخ ياطباخة الشهر

جوووري غاليتي مشكوره على مرورج والله يوفقج

رائعه 100%100 الروعه مرورج ورايج الي اسعدني اختي

baby love اشكر لج مرورج وبالنسبه للكونسيلر من ماركه كاريولاين استخدم اللون الغامق ثم اللون الفاتح وهذا الشي مفروض تسوينه من اي ماركه فاذا حبيتي تخفين عيب اول حطي اللون الغامق على منطقه الاسمرار ثم حطي اللون الفاتح وبتشوفين النتيجه حلوه مب لون رمادي ومب طبيعي

هههههههههههه
و الله جنه يالسين في مدرسه ما شاء الله عليج ربي يحفظج

انزين ابله انا بيي اتعلم بس بعد ما اربي هههه و بيب ولدي يسوي يوله عندج و يزاعج

سؤالي ابله انتي تحطين الكونسيلر قبل كريم الاساس ولا بعده ؟