حابه احكي واحكي :( ياريت النصيحة

صباح الخير
فينا نحكي اني حابة فش خلقي واحكي واحكي لاشبع
حضرتي معي شهادات كثير واخرها دبلوم عالي تكنولوجيا واتصالات في التربية
درس في مدارس الحكومة كبديلة "بدل معلمه ولدت" يعني فينا نجمع سنوات الخبره لــ 3 سنوات لانه عبارة عن اشهر وبعدين بقولوا باباي النا مع انه تقديري جيد جدا يعني الاصل يطلع شغل مرتب
قلت الشغله مطولة؟
درست تصميم واثبتت جدارتي ولله الحمد موهبه من اول بحب هالتخصص وشغلي مرتب وما عليه كلام
اشتغلت شغل حر الي يجي نعمه من ربنا والحمد لله بحدود سنتين
بعدها صحلي وظيفه بمطبعة وبراتب كويس بقيت عندهم مدة 3 سنوات
لكن ظروف مرض امي عملية ديسك خلاني اقدم استقالتي لانه باول 3 شهور كانت تعبانه كثير وبحاجة ماسة لي
ورجعت حليمه اقصد ندى لعادتها القديمة بعد 3 شهور
عم قدم طلبات هون وهون لكن للاسف لازم تكون البنت دلوعة وغير محجبة مطلوبة اكثر منا المحجبات
مع انهم بعجبهم شغلي بس شو بستفيد من الاعجاب ومافي شغل!!
خليها لربنا وصباح الخير وهي فنجان قهوة بنشربه كل يوم الصبح
وانا عم بتفقد الجرايد الي بدهم مصممه ذات مظهر لائق بدون خبرة ولا شي بس تعي وادلعي عنا
ولا حول ولا قوة الا بالله
اذا في نصيحة تخرجني من الي انا فيه دلوني الله يسعدكم
اختكم المصممة ندى