حابه استشيركم مارايكم ان اقص شعر بنتي الى درجة الحلاقه

اللهم صلى على محمد وال محمد


بنات رفعو الموضوع الله يرفع من قدركم

ما انصحك تقصيه خاصة ان البنت في المدرسه استعملي لها زيوت وحمامات زيت

مشكوره بس وش راايكم باعلاج الكيراتين للاطفال

مشكورررررررررررررررررررررررررره


بس وش رايكم بعمل علاج الكيراتين للاطفال

وماهو افضل مكان بالشرقيه واسعاره مناسبه


ردو لو سمحتم

لاتقصينه والله ان تندمين سبق وجربت وقصيت شعر بناتي بوي بالحيل شوي ويصير
شبه محلوق لانه متقصف وناشف وخفيف والله ما اكذب عليك بناتي بالصف ثالث ابتدائي
وتعالي شوفي تعليقات البنات عليهم والله انهم دائما يبكون من القهر يتمنون الشعر الطويل
والحين صار لهم سنة من قصيت شعورهم وماشاءالله طال لحد اسفل الكتف بس كنت استخدم لهم باستمرار
زيت منقوع بالحنة والسدر ومعه خلطات ثانية لحد ما انتهى وغيرته بنوع ثاني
وخلطة حور الجنان الله يارب يسكنها الجنان مرررررة روعة عالشعر وهي عبارة عن حنة وسدر ومحلب
والى الان استخدمها لبناتي ..
وحده هنا تمدح في هالخلطة وان بنتها طال شعرها لاسفل الظهر مع خلطة هالزيوت وانا رحت واشتريتها
الزيوت السبعة من المعصرة (( زيت الخروع + زيت حبة البركة + زيت الجرجير + زيت السمسم +زيت السدر + زيت النارجين + زيت اللوز الحلو )) وهذا برضو رووووووعة عالشعر من جد طول شعر بناتي وطلع لهم شعر جديد صغير وخف التساقط ولله الحمد عليه
اول يوم احط خلطة الحنة لحور الجنان لمدة اربع او 6 ساعات واغسله بموية فقط
وثاني يوم السبع زيوت لمدة ساعتين او 4 ساعات واغسله بالشامبو وبعد ماينشف الشعر شوي يعني يكون رطب نوعا ما ادهن شعرهم بتونك الفازلين وثالث يوم راحة ورابع يوم من جديد خلطة حور الجنان وخامس يوم الزيوت وهكذا ....
الحين صار لي تقريبا شهرين من يوم استخدمت الخلطة والزيوت والحمدلله طالت شعورهم وتحسنت وكثفت ونعمت ماشاءالله وصار فيها لمعة ولله الحمد

ملاحظة :
كل يوم ارش شعرهم بمنقوع اكليل الجبل والزعتر البري والاس وادلك شعرهم لمدة 10 دقائق
واخليه ينشف في الهواء الطلق وبعد ماينشف امشطه لهم عالخفيف وبعدين اجدله او الفه كعكة