وممكن بالبداية انتي توفريلهم بعض الأغراض الأساسية مثل الابر والصوف والقطن وهم يشترونها منك لانه بالبداية المبتدئة صعب تشتري لنفسها يمكن ما تعرف وبهيك انتي كمان بتستفيدي ، لاني شفت قريبتي تعلم بنات وتجبلهم الأدوات وهم ينبسطون عليها خاصة اذا جبتي شيء مميز

مرحبا ,,

بالنسبه للاسعار انا مع امجاد , و 1000 حلوه ,
انا بالصيف اللي فات علمت مجموعه من قريباتي ,
اول حاجه حطي في بالك ان بتجيك ناس بينها فروق فرديه , ممكن وحده تفهم اكثر من الباقي او اسرع , لازم ما تستعجلي عليها و تعطي كل وحده حقها ,,

انا اتبعت معهم بالاول الغرز الاساسيه و من الاول بالباترون و صرت انبههم على اختلاف شكلهم مو بس بالباترون حتى بالشغل ,

و بعد هالاربع الغرز , عشان مايملوا , صرت اعلمهم غرز سهله تجي بس من هالغرز , و عشان يعرفوا يقرأوهم لما يجوا سوا بالباترون ,
و كل درس بعدها صرنا ناخذ كم غرزه حسب الوقت و ناخذ معاه مثلا ورده او فراشه او شي سهل ,

و مع الايام تعلمنا غرز ماشاء الله ,
كل غرزه ناخذها اعلمهم على اسمها و باترونها , اعتمدت على هذا الكتب في شرحي ,, و مرات انزل لهم فيديوهات من اليوتيوب و ينزلوها على اجهزتهم ليستفيدوا منها .

https://picasaweb.google.com/sizrachel/107#

حتى لاحظي بالكتاب عاملين وردة الطبقات و الوحده الدائريه بالحشو و العمود
و طبعا الافضل تعطيهم واجبات مثلا تحددي لهم من بعد كل غرزه يجيبوا واجب
ايدهم تتعود على الشغل ,,
كانت وحده من قريباتي ابطئ وحده من المجموعه كلها , غبنا فتره سبوع و شي , استغلتها و عملت اسكارف من العمود و النصف عمود , ماشاء الله بعد الفتره رجعنا هي اسرعهم ..

و ماشاء الله كلهم كانوا لاول مره يمسكون السناره فيها , بس كان عندهم عزيمه و الحمد لله نجحوا ,


ربنا يوفقك , و يرزقك الطالبات اللي عندهم عزيمه , الشغله يبالها صبر .. = )