--1430sultanah @1430sultanah

عضوة فعالة

حابه افضفض

من جد محتاجه لاحد يسمعني تعبانه والله 0000عندي فضفضه الي لها خلق تكون معاي تقرى موضوعي 00انا طبع زوجي عصبي ومتقلب المزاج كريم يتنرفز بسرعه له مواقف كثيره معاي اثبت لي انه شهم 0000سافرت انا وياه كم مره بالصيف وصرت انا وزوجي محط انظار عايلته يعني صرنا حنا سالفتهم راحو 00جو000سافروو--ووقت مااخذ اجازته السنويه بدت اقبل امس رحنا للكويت 000والكويت قريبه مننا مره واخذنا شاليه اول يوم مر كانت نفسية زوجي حلو بس انا من داخلي اقول لنفسي ليش ماني مبسوطه على ان كل شي من حولي حلو وكتمت شعوري هذا ماوضحته وجا الليل ونام زوجي وعيالي وانا ماجاني نوم ذبحتني كنمة صدري لدرجة اذا انسدحت احس بنكتم 00وجلست اصلي وادعي لحد مانمت 5 الفجر زوجي نام له 4 ساعات وصحى بدري صحانا قلنا له شوي 0000المهم جت الساعه 10 صحيت وصحيت العيال ولبستهم قلت يالله خلنا ننزل نفطر واول مانزلنا قالو خلص بوفيه الافطار المجاني وقتها قال زوجي انتي مستهتره لحد ماتخسريني واطلب لكم على الحساب على انه مو بخيل انا تنكدت بس سكتت000وسلمنا الغرفه الساعه 1ونص الظهر قال وين بنروح الحين قلت ودنا لمجمع اتسوق لحد مايجي العصر وبعدين نرجع لديرتنا قال خلاص 0اول مادخلنا المجمع حسيت جسمي تطلع منه حراره وحسيت اني بدوخ 000على طول قلت له يالله نرجع انا تعبانه طلعنا وبالطريق قالي خربتي التمشيه على عيالك قلت له حرام عليك غصب عني واول ماوصلنا شافتني حماتي قالت وش فيك قلت ليش وش مبين علي قالت وجهك اصفففرررر 000وفعلا دخلت البيت وبرضو التعب فيني قلت لزوجي بروح المستشفى والله جلس يصارخ علي ماكأن الي قدامه وحده تعبانه انتي موسوسه انتي مهلوسه وجلست اصيح ووداني المستشفى وطلعت كل تحاليلي سليمه 000وااليوم يقول لا تفكرون اتمشى فيكم انتم نكدتو علي ومره يقول بسافر لحالي بباقي اجازتي وبعدين يقولي اكذب 0000انا يابنات انكتمت من طريقته وخايفه فعلا انه يروح ويخلينا او انه مايطلعنا بااجازته --وخايفه بعد انه حتى لو يطلعنا ترجع لي نفس الحاله 0000وتوه كان جالس عندي وساكت من اليوم فجأه قال مدري وش فيني صدري ضايق 0000بالله عليكم يابنات وش تفسيركم للي يصير لنا هذي فضفضتي والي كلامي دخل قلبها ترد علي 0000وتوه دخل علي وقال لي بروح لحالي لكويت وطلع تو 000للعلم ان الكويت قريبه مننا مره يعني يروح ويجي بنفس اليوم وش رايكم

يلزم عليك تسجيل الدخول أولًا لكتابة تعليق.

تسجيل دخول

روكماني • 14 سنة

والله ياأختى الحين الناس معد يعلمون وين يروحون وين يجون ماتدرين الا أذا فقدتيهم وحتى ماتدرين وين راحو وأذا رجعو من سفرتهم قال كل شي صار فجأة أذا بغيتو تروحون مرة ثانية لا تعلمون أحد بس أهلك وأهلة يعني حتى سلفاتك لاتعلمينهم ومتى مارجعتو علميهم أذا سألوك

عصفوره مشاكسه • 14 سنة

الله يفرج همكم

هدفي حياتي • 14 سنة

ارقي نفسك بالرقيه الشرعيه
والزمي الاذكار انتي وزوجك واطفالك
تروشي بالسدر مقري فيه اسبوع عند الفجر والعشاء
اقرئي سورة البقرة يوميا
انا نفس حالتك وطلع معي عين
الله بشفينا جميعا ومرضى المسلمين
وذا تعرفين راقي شرعي روحي انتي وزوجك

،مشاعل، • 14 سنة

الله يعينك ياااارب

عروس مطلقه • 14 سنة

لاحول ولاقوة الا بالله يمكن عين حبيبتي شغلي سورة البقره في البيت ولا تتركينها
وتعوذي من الشيطان وصلي اخر الليل واستغفري بنية انه ربي يصلح حالكم
والله يوفقكم يارب