حابه افضفض .. من يسمعني؟

السلام عليكم

حبيت افضفض لخواتي

انا ماصار لي متزوجه كثير .... بس من فترة الملكه لين اليوم تقريبا سنتين .. تخيلو . سنتين ولا مره عطاني مصروف

واذا بالغلط عطاني ...... ياخذها اليوم الثاني بس لغرض يعني ... يظهر له عذر وينكسر خاطري واعطيه

وانا اشتغل الحمدلله ... وهو راتبه مايستلم منه ولا ريال ...( هالحال صار له كم شهر)

يعني الاعتماد الكلي على راتبي

ودي اشتري لي اشياااااء بس كله ااجل ... غرشه عطر ماقدر اشتري ... افكر بالمبلغ اللي بشتريه .. بينفعني لين اخر الشهر ...

بس مع هذا انا محتفظه ببطاقتي (بطاقة البنك) عشان النفسيه لا تتعب .. يعني اقصد لو مثلا عطيته البطاقه بيده .. باحس باحباط وباكره الشغل ...
وغير ذي .. البوم الخطوبه انا اللي دفعته واحنه تونه مخطوبين ...... وايد حز بخاطري هالموضوع

وحتى هدية العرس .... خذ الفلوس مني قبلها بفتره وانا ادري انها بتكون هديه العرس منها .. الذهب يعني الصباحيه

بس قلت مب مشكله .. كل شي يهون

والله اني احبه وهو بعد ... وادري هالشي مب بيده ... بس تعبت والله تعبت ...

ومانكر انه خذاني لشهر العسل ... وفيه اشياء حلوه بزوجي ... اهم شي مصلي وخايف ربه ويحبني وايد وانا بعد ...

والحين نمر بأزمه ماليه ....... الله يخليكم محتاجه بس لدعائكم ...

تقبلو فضفضتي ....
اختكم في الله