اخواتي العزيزات..:)
بما اني دايم اصبغ حبيت افيدكم من بعض خبرتي باانواع الصبغات والوانها
والعنايه بالشعر المصبوغ..
اول شي بتكلم معكم عن الانواع..
(ويلا كلوستون)الاشهر في عالم الصبغات واغلب المشاغل تستخدمها لسعرها الرخيص:(
وهي الاكثر ضرر للشعر لانها تجفف الشعر وتخليه ناشف لاحظي لما تصبغين في مشغل شلون يتغير ملمس شعرك بشكل ملحوظ ميزتها كثرة الوانها
نصيحه لوجه لله الي تبي شعرها صحي تبعد عنها
(غارنيه)مالقيت لها صوره بس الكل يعرفها استخدمتها مره وحده صبغت بني غامق ماتنشف كثير في لمعه بس تسبب تساقط لشعر
وتبهت بعد فتره قصيره
(ماتريكس من لوريال):26:مره روعه لمعتها ولونها وماتنشف الشعر بس نادر تلقينها في مشغل
(لوريال اكسيلونس)اخر وحده جربتها لونها مررره روعه ماتنشف الشعر وسهل استخدمها بالبيت معها بلسم بالعسل رائع
(لوريال كاستينغ) خاليه من الامونيا بس عيبها تروح مع المويه وممكن تسبب حساسيه في بعض الاحيان :44:
بالنسبه للألون الغوامق دايم تبرز البشره وماتحتاجين تحطين ميك اب طول الوقت وماتبين شطارة الكوافيره فيها لانها سهله
الالوان الفاتحه والاشقر والهايلات وتدرجتها مرره تبهت البشره اذا ماكنتي حاطه ميك اب وتجفف الشعر واذا الكوافيره مو شاطره تقلب على اورنج وذهبي تحتاج لتطفيه واغلب كوافيرتنا للاسف ماتعرف ايش يعني تطفيه
اذا صبغتي بمشغل وطلعت الصبغه لونين او مبقعه او ضربت على اورنج اوذهبي نصيحه لوجه لله لاترجعين للمشغل لانها تتعلم عليك لو تعدل بتحوس اكثر
اذا كنتي محنيه او صابغه اسود معلومه قوليها اول ماتتدخلين المشغل لان الكوافيره مالها ذنب لو خرب لان الحناء والصبغه السوداء مايصبغ فوقهم للاسف الاغلب مايقولون
ونصيحه مهم جدا اذا دخلتي مشغل اسأليهم ايش نوع الصبغه اهم شي تكون ماركه ممتازه مثل لوريال والافضل ماتكون كلوستون لانها الاسوء
الافضل تخلطهم قدامك اذا كانت اول زياره لك لصالون مو واثقه من شغلهم لان الاغلب تكثر سائل التظهير
علشان تخلص لك وتطلعين بسرعه وتشوف زباين غيرك وبالاخير يحترق شعرك
وتشوفين كمية الصبغه اذا بتكفي شعرك لاني لاحظت احيانا انهم يخلطون شوي وبالغصب توزعها وبالاخير يطلع مبقع واللون مش واحد
انا مااتكلم عن كل المشاغل في مشاغل روعه وصاحبة المشغل متابعه لشغل وعندهم ذمه وضمير وامانه
انا اتكلم عن العينه الاسوء من مشاغلنا وللاسف لهم شهره وهم الاسوء لازم تكونين واعيه وفاهمه كل شي مثقفه في هالمجال علشان ماتتعرضين لتجربه سيئه
العنايه بالشعر بعد الصبغه
مهمه حمامات الزيت والترطيب واستخدام شامبو وبلسم للشعر المصبوغ اذا اهملتي هذي النقطه شعرك بيخرب على اي نوع صبغه حتى لو كان الافضل
في الاخير الي يستفيد من موضوعي اتمنى الدعاء لي بحياه موفقه:26: