حبيت افيد كل بنت هنا او امراه بهالمنتدى اللي ماقدر كيف اوصفه وقليل بحقة اذا قلت روعه وطبعا ماصار روعه الا بوجود عضواته
بنات تعالوا خلونا نتكلم ونتناقش شوي
لاحظت بهالمنتدى شي غريب اي منتج تستخدمه اي وحده بعد فتره قلتوا تراه مسرطن.. ومادري ايش من الخزعبلات هذي طيب اذا كان كل الكريمات مسرطنه وراه اجل موثقه من ورزاه الصحيه ..
ولاحظت في المنتدى كثير من الحريم يعانون من الكلف والبقع والحبوب ....الخ اكيد راح تشتكون من هالشي دام ماتستخدمون شي مضمون وبشكل يومي كمرطب وهالمرطب اللي مابقى شي ماقلتوا عنه.. تدرون وشهو الفير اند لفلي
اللي حتى الدكتورات ينصحون باستخدامه مامنه ضرر بكل منتجاته وفوق هذا صارله سنين وبنين مو جود لاانسحب مثل ديانا وروز وطقتهم
حبيباتي راح اقولكم الفير اند لالفلي مفتح مريح وفوق هذا تمتصه البشره كله ويعطيها مظهر مررره حلو وينفع للبشره دهنيه بعد وبقوه مع استخدامه بشكل يومي للبشره .. البشره تنتفع من فوايده وتصير صحيه ونظيفه وعلى قولتكم مرايا وماله اضرار جانبيه وينفع للبشره الحساسه لانه امي بشرتها حساسه وحطت منه وماضرها
وانا انصح لكل بنت مراهقه راح تستخدم الكريمات وتبتدي تهتم ببشراتها اقولها الفير اند لفلي ولكل بنت او امراه تعاني من اي مشاكل بالبشره تسخدمه امن ومامنه ضرر...
وفي وحده امها كانت تعاني من حب شباب وبشرتها ملخبطه دهنيه على جافه مادري كيف جايه وهالكلام صارلها تقريبا 40 او 30 سنه انا سمعتها بصراحه وعلى ذمة الرواي استخدمة الفير اندلفلي يوميا والحمدالله بشرتها طلعت تهبل والكل مستغرب منها ويسالها وش السبب وقالت فير اند لفلي والبنت تقول الحمدالله ماضر امي ولا سببلها من اي الكلام اللي تقولونه
وبتكلم عن نفسي انا شخصيا اللحين
الفير اند لفلي مامنه ضرر
فير اند لفلي انا استخدمه من 4 مادري 3 سنوات وحاليا استخدم بالاعشاب مع انه بشرتي بيضا استخدمه لانه حلو مرره للبشره الدهنيه
ومن جد روعه قبل ماتحطين كريم الاساس
وفير اند لافلي عليه الطبعه الاصليه انو موثق من وزارة الصحه وحاولوا تاخذون الاصلي مو التقليد
وانصحكم باستخدام فير اند لفلي بالاعشاب بدل فير اند لفلي بالكبسولات
وتراه حلو للبيت للطلعات لكل مكان
انا استخدمة يوميا بعد ماقوم من النوم اغسل وجهي بصابونة وسوي سكراب بس مو كل يوم سكراب كل 3 ايام وعلى طول بعدها انشف وجهي واحط شوي من الفير اند لافلي سواء بعد ماصحى او قبل مانام بالليل يعني هو كريمي النهاري والليلي
وفوق هذا استخدم شوي سودو لوجهي يوميا وهذا كريماتي والله يشهد علي واذا زادت فازلين بلا خرابيط زياده
وانصحكم انك تستخدمون كريمات قليله وخليها على طول معك لاتغيرينها اذا فادتك وترا كثرة الكريمات مالها فايده
وفوق هذا اذا بغيت اسوي تقشير خفيف جدا جدا مع تفتيح بسيط مع اني ماحتاج اخذ كريم تشارلي بو اصبع الابيض االاصلي اللي هو من تايون بو كرتونه خضرا وعليه علامه انو اصلي احط بوجهي لمدة اسبوعين وخلاص وعلى فكرة يتكون من اعشاب طبيعيه مافيه هيروكينون وخرابيطه
والله حبيت افيدكم مثل ما انا مستفيده
وعليكم باالاقنعه بس اختاروا لكم 2 ناسبوا بشرتكم ولاتكثرون اقنعه كثيره لانه تضر بدل ماتنفع كل يوم شكل
يعني انا استخدم السدر مع الحليب او الزبادي مع الحلبه وخلاص ويوم بالاسبوع او يومين قناع لمدة 20 دقيقه
وفوق هذا ياحلون انصحم بسكراب اي تقشير طبيعي مثل السكر ..تاخذين رغوة الصابون اللي تناسب وجهك وفوقها سكر وتصنفرينه تراه الصنفره والكريمات اللي قلتهم راح يبين على طول بوجهكم وراح تلقون لق
اتمنى اني افدت بنات حواء الحلوين
تحياتي
مشــاعل
واللي تبي تنقل موضوعي تنقله وتكتب منقوووول من منتدى عالم حواء لانه من مجهودي الخاص
هذي صورة تشارلي الاصلي صنع في تايوان
نفس الكرتونه ونفس الاصبع وتاكدو ا انو مصنوع بتايوان وفي علامه رماديه تحركينها تتلون هذي يدل انو اصلي
ههههههههههه من جد أخاف من الكريمات خوف مو طبيعي
بس أبشرك أمس قلت ستوب استخدمت الصابونه السحريه اللي يقولون مسرطنه<<يعنني هههههههه