الادوات المستخدمة لعمل لوحة زيتية ....فراشي مقاسات مختلفة ......الوان زيتية.........تربنتين........زيت عافية.......لوح كانفس المقاس المطلوب.
اول شي لازم يكون عندك خلفية عن الابعاد والظل والنور وهذي موجودة في اي مكتبة .
جهزي الرسمة اذا حابة تنقليها من صورة عاجبتك وابداي.
اول شي رسم البطانة وهذي الخطوة اساسية جدا اذا لوحتك الوانها غامقة تكون البطانة لون واحد غامق اللي هوه اللون السائد باللوحة واذا فاتحة فاتح.
نبدا الرسم بمرسام على اللوحة اذا اللوحة فاتحة بمرسام واذا غامقة بالوان خشبية عشان يبين الخط.
واذا تعرفي ترسمي على طول بدون تخطيط ابدا بالفرشاة.
اخلطي اللون في باليتة الالوان وياليت تغطيها بقصدير عشان لما تتعبى تقدري تشيلية بدون ماتنعدم الباليتة طبعا في خشب وفي بلاستيك انا افضل الخشب للالون الزيتية والبلاستيك للالوان المائية والاكريلك طبعا الوان الزجاج والحرير مايحتاج من العلبة على لوح الزجاج او قماش الحرير
بعد مانخلط اللون نضيف علية مادة اسمها تربنتين او زيت عافية اذا ماعندك واخلطي فيها الالوان.
طبعا الوان الزجاج والحرير مايحتاج من العلبة على لوح الزجاج او قماش الحرير.
ابدأي الرسم من ابعد نقطة خصوصا اذا كانت الرسمة طبيعة صامتة مثل بيوت فواكة اي شي عشان تبين مزبوطة .
لما تلوني خليها تنشف عشان تبداي النقطة اللي بعدها يعني من الابعد للاقرب وهكذا حتى تنتهي اللوحة.
وخليها الين تنشف بعيد عن الشمس .
اللوح الكانفس يفضل الرسم علية بالالوان الزيتية افضل من الاكريلك لان الكانفس قماش معالج بالغراء ويشرب اللون .
الالوان المائية لها اوراق خاصة والوان الحرير لها قماش الحرير والزجاج للزجاج والقواش يستخدم للرسم الهندسي جدا رائع.
لوحة تجريدية بالالوان الزيتية ماتحتاج وقت في نفس الوقت تخلص ومو شرط تنشف الطبقات حتى لو ماخلصت كمليها وانتي مرتاحة في اي وقت.
السريالي يعتمد على خيالك وكل ماكنتي مطلعة كل ماكنتي مبدعة وكان عندك مخزون تستفيدي منه وتسترجعية وقت الرسم.
اي سؤال انا حاضرة واسفة للاخت سمو الروح .
اذا خلصتي من الرسم نظفي الفرشة بالتنر وبعدين بصابون فيري مزبوط ونشفيها عشان ماتخرب عليك لان اللون لو جلس فيها بتصير قاسية وماتقدري تشتغلي فيها.
تكملة للوحات وياليت اللي تعرف تصغرها تصغرها الله يسعدكم لاني مااعرف تطلع صغيرة مره ولا كبيرة مره.
وهذي الصورة لسى ماكملتها
وهذي الصورة لسى ماكملتها
الصفحة الأخيرة
اقول يابنات وحده تصحيها ههههههههههههااااااااااااااااا
بسررررررررعه