أنا باحب اعتنى ببشرتى (بالذات لما اكون رايقة شوية)....وشعرى كمان بس المشكلة عندى هى التساقط بس...لكن دة بيحتاج متابعة على الوصفات وباحاول على أد ما أقدر.....
المهم...الهدف من الموضوع انى أقولكم على الوصفات اللى باحب اعملها...إحتمال تكون جديدة بالنسبة لكم ويمكن أفكركم بيها...وأعرفكم المنتجات اللى باستخدمها...وانتوا كمان شاركونى.
كل ما افتكر حاجة هاكتبها إن شاء الله.
أولاً بشرتى مختلطة ومن حوالى سنتين توقفت تماماً عن استخدام الصابون فى غسيل وجهى (ودية نصيحة قرأتها فى موقع أجنبى) ولاحظت ان بشرتى أحسن بكتير من غير الصابون....
طيب...ازاى ننظف بشرة الوجه من غير صابون؟؟؟
باعمل تقشير خفيف للبشرة بعمل ماسك من الشوفان (بتاع الأكل) المضروب فى المطحنة ومنقوع فى لبن ....بينضف البشرة برقة ونعومة...وبعدين أحط لوشن (بالفازلين) أو أى كريم ...أنا باستعمل جليسوليد أو جونسون أو هيمالايا.
