حاجات غريبه تحصل.... معايا أرجو المساعده

انا تصير لي حاجات من كم سنه بدأت معايا
لدرجة اني شكيت بأخويا
ما اتذكر متى بدأت بالضبط بس اتوقع بعد مانقلنا بيتنا قبل ما اتزوج حلمت بجني يجامعني لما صحيت حسيت بألم في المهبل كأنه الشي صار فعلا شكيت بالموضوع وبكييت
بعدها كنت نايمه بغرفة الجلوس واخويا نايم كمان ما ادري اصحى الا القى اخويا فوقي وهو نايم مايدري عن نفسه صرخت فيه ورجع مكانه نااايم ماصحي ابدا وبعد ماصحي من نومه ماقال شي ولاكأن شي صار خفت اكون ظالمته فعلا مايدري (احنا اصلا ماننام مع بعض بس صادف انه غفى بغرفة الجلوس وانا كمان وكانو اهلي موجودين بالبيت مو لحالنا عشان ماتفهمو غلط واخويا اعرفه مزبوط مستحيل يفكر بالشي دا بس انا نفسي ماني قادره استوعب قلت يمكن كان يحلم ومايدري اني موجوده بالغرفه ماني عارفه)

غير لما اكون نايمه بغرفتي الأذيه ملاحقتني احس بيد كبييره تمسك وجهي ولا اقدر اسوي له شي اتوقع جاثوم وحلمت بعدها بذيب يطاردنا انا وصحبتي وتخبينا عنه وجا من ورايا وعضني بظهري وصحيت من النوم الألم موجود شدديد كأنه فعلا حقيقي عضني واستمر الألم لكدا يوم

بعد ماتزوجت ما انتهى الموضوع يوم وانا نايمه بالصباح بعد ماراح زوجي الدوام اصحى ع صوت جهة الجدار اللي عالسرير يقول اناا هناا واتعوذ من الشيطان واحصن نفسي بالمعوذات وانام ويرجع الصوت يصحيني انا هناا مارحت
غير الاحلام احلم بوحده جنيه واقفه عند باب غرفة نومي تبغاني تقول ابغاك ما اسيبك تعالي اجلسي معايا واشرد منها لبرا بيتي اخر حلم لحقتني لبرا البيت ماتركتني الحلم دا يتكرر كثيير احس احد معايا ف البيت يمر من جنبي وانا نايمه او عند رجولي اوقات اصحى االقى هيئه شخص فوقي جالس ع صدري او واقف جنبي يصحى زوجي من صراخي زوجي يقول لي كلها وساوس مو مصدقني اخاف اتطلق بسبب دا الموضوع اخرتها من يومين يومين ورا بعض اصرخ وانا نايمه وانادي زوجي ما ادري ليه ما احلم بشي مو من كابوس بس احس اني خاايفه في شي مخوفني
فسرو لي اللي صاير معايا

ملاحظه انا كنت مهمله بالأذكار سنيين و الحمدلله لي سنه ملتزمه فيها متحسنه امور بحياتي الحمدلله بس باقي الشي دا مضايقني والرقيه ارقي يوم يومين واتكاااااسل وانساها ولا كأنها ع بالي اصلا
سورة البقره حملتها من فتره ع لابي واشغلها وانا نايمه عشان ارتاح بنومتي الحمدلله اررتحت كثير بس 3 ايام وخرب المقطع بعدها مايشتغغل ومو راضي يتحمل مره ثانيه مدري ايش المصيبه

اللي عندهم فكره فسرو لي اللي جالس يصير