حاجبك يعكس نظرة عيونك

وااايد يتني رسايل واستفسارات شلون ارسم حواااجبي وشنو افضل شي لرسم الحاجب
طبعا الحاجب يختلف لونه وكثافته وشكله من وحدة لي الثانية
واللي يناااسبج مو شرط يناسب غيرج
اليوم بشرحلكم كل منتج وشنو تأثيرة عالحاااجب
وان شاء الله بعدها كل وحدة راح تعرف شنو يناااسبها من انوااااع


اول شي ابدي بصورة حوااااجبي وهما مرسووومين
بنااات رسم الحاجب مو معناااته حف الحاااجب
الرسم معناااااااته تعبئة الفراغات وترتيب شكل الحاجب للميك اب






الحين هذا حاجبي بدون ولا شي



طبعا مثل مانتوا ملاحظين حواجبي خفيفة والشعر مو اسوود جنه رمادي
وفيهم فراغات وايد

1_ بودرة كريمي
انا استخدمت من بينفت






وهذه النتيجة



رأيي الشخصي
طبعا البودرة فاااااااااشلة بدرجة امتياز مع مرتبة الشرف
تلصق الشعر ببعض وهي جنها كريم مو بودرة ماحبيتها كللللللش
بس يمكن تنفع مع غيري

2_ قلم الحواااجب
انا استخدمت من ماركة برستيج





وهذه النتيجة


رايي الشخصي
القلم زوين لو حابة شي سريع وسهل خصوصا حق اللي ماتعرف حق الفرشة
وفي من ماركات وايد انا جربت من ديور وجيفنشي وماك كلهم تقريبا نفس النتيجة
طبعا ترسمين خطوط داخل الحواجب مكان الفراغات وبعدين بالاسفنجة اللي بالصوب الثاني تمسحين القلم
عشان يصير اللون طبيعي

3_ التاتو
انا استخدمت ميك اب فور افر أو بن غولد من الهنود مع فرشة ماك 208



وهذه النتيجة






التاتو حلو حق اللي حواجبها جاينيز مثلا تكون شايلة الشعر وتبي ترسم مكااانه
بس كتعبئة فراغات احس وايد يعطي لوك قوي
انا استخدمة بالعروس والمناسبات احيانا بس عيبة ان يخلي الحاجب جنه صج مسويته تاتو
لان يصير في لمعة مو مطفي

4_ بودرة الحواجب ( تصير مثل الشدو )
انا استخدمت من بدي شوب اكيد الكل عنده ويعرفها مع شوية فكس من ماك



وهذه النتيجة




اعطييييييييييييييه 100%
حاليا هو المنتج المفضل عندي وايد يعطي لوك طبيعي وينفع حق الصبح والليل والمناسبات
احط نتفة فكس عالفرشة وبعدين احط من البودرة وارسم حاجبي يصير نفس التاتو لما ينشف
وايد وايد حلو وطبيعي ومااايسيح كلللش

ويالله بناااات كل وحدة تشاااركنا بتجربتها


يتبع