حاجة ماتسوا بس حببتني ادخل المطبخ

السلااااام عليكم حوائيات شيفاااااات (جمع شيف مو شيء ثااني :08:)

الموووهيم هذا ياطويلات العمر انا بالمختصر المفيد مااحب دشت المطبخ من وانا بنت لان كانت عندنا خادمتين والحين اقول الله يسامحك يايوومه يوم انك مااصرتي علي في دخلت المطبخ لاني بكل صراحة اول ماتزوجت تعبت تعب موب طبيعي مو لان شغل البيت متعب لااااا بس لاني وبكل بساطه معتمدة على الخدامات وامي الله يطول بعمرها في امور حياتي
ولما تزوجت وبحكم اني انا وزوجي تزوجنا بدري مرة يعني اعمارنا صغيرة على الزواج فكنت مرة اطفش اني الزم روحي بتنظيف مطبخ او غرفة او غسل ملابس خخخخخ تخيلوا
وبالذات سالفة الطبخ كنت اكرهه كره العمى لان وراها غسال مواعين وانا كانت الصحون تظل باليومين وثلاثة الايام ماتتغسل من العيارة وكل ذا وزوجي مسكين متحملني ههههههههههه
وطبعا انا ماكنت اطبخ الا مرة او مرتين في الاسبوع بحكم اني وزوجي كنا ندرس ثنينا نقضيها بيت اهلي بيت اهله المطعم ........ تخيلوا
ولما الله من على زوجي بالوظيفة وانا جبت ولدي الله يخلي لي وياه زوجي توظف بمنطقة بعيدة عن منطقتنا ومارحت معاه كنت متخوفة من الوحدة وانا ماكنت اقدر اجتمع انا وولدي 24 على 24 بدون مايكون معانا ونيس صغيره لا تلوموني هههههههه طبعا انا جبت ابني وعمري 19 سنة والحين عمره الله يحفظه ثلاث سنوات بالهجري بالميلادي زي ماهو مبين في الشريط لسه ماكمل الموهيممم فكنت برضوا مااطبخ لان زوجي ماكان معاي في بيتي وماكان يجي الا خميس وجمعة ونقضيها غذاء في بيت اهلي مع جمعة اخواني وبيت اهله او بيت اخته والعشاء ليلة الجمعة رسمي في بيت اهله
طبعا ذي الهذرة ومادخلت في المفيد هههههههههههههه والله اني احس انكم طفشتوو
انا كنت اسوي حركة لما اطبخ ومن غيرتها حسيت اني صرت احب اطبخ وهو اني لما كنت اطبخ كنت ابعد زوجي وولدي عن المطبخ يعني مارضى ان ولدي يكون معاي في المطبخ واخلي زوجي ينشغل بالتلفزيون لو بالنت وانا اظل اطبخ واحس روحي لوحدي بس من صرت ادخل زوجي وابني معاي في المطبخ صرت مرررررررة عادي وانبسط معاهم نسولف ونضحك وانا اطبخ واغسل صحون على طوول تخيلووووووووووووا ههههههههههههههههههه
فيانااااااااس لازم تخلون العيلة كلها معاكم في المطبخ يشاركونكم واصلا تصير في المطبخ ذكريات حلوة انا صرت اذكر اني لما اوصل من المدرسة وانا بنت ادخل على طول المطبخ واحكي لامي وش صاير معاي وكنت اقعد معاها ساعة كاملة وكل من جا من اخواني كان يبسط معانا في المطبخ ادري هذرتي طوووووووووووووووووويلة بس حسيت ان ذي الحركة ساعدتني احب اطبخ لعيلتي وهذا شيء كان بالنسبة لي عااااااائق كبيررر بس الحين الحمدلله صرت اطبخ بس مو كثير لان زوجي لساه بعيد عني :(