ياحلوات ياجميلات والله انكم تشرحون الصدر
من يوم تركت الوظيفه وانا كل ليله اصلي الوتر واقعد سهرانه على هالمنتدى اللي استفدت منه اشياء مرره كثير
وانا بما اني على وجه زواج فحبيت اسالكم عن مشكله صايره لي مدري فيه احد صاير له مثلي ولا انا الوحيده
صاير يطلع لي في اعلى الراس بقعه غريبه عجيبه دهنيه جدا لدرجة ان الشعر من عند المنابت يصير كانه اسلاك
كأنك حاطه عليه سكر وكمان لزج يعني لما امسكه احس يدي تلزق
بس بقعه في منتصف اعلى الراس وباقي الشعر ناشف عادي
رحت لدكتور وقال هذي عادي دهون زايده وانا ماحسيت كلامه صحيح لان اكلي مافيه دهون ابدااا
وكمان بشرتي مافيها دهون كثير
والشي الاعجب والاغرب اني ماخليت ولااااا نوع شامبو ماجربته ولا فيه فايده والله اني اتحمم يوميا واطلع امسكها والاقيها موجوده لدرجة اني حطيت تايد ولا فيه فايده
ماعدا شامبو واحد اسمه نيوكاب وما الاقيه بسهوله ابداا وسعره 100 ريال
تكفون اللي صاير لها مثلي تقولي لاني تعقدت منها قد ما انظفها مافي فايده واللي يشوفها او يحسها يقول هذي ماتتحمم :icon36: اتخيل زوجي بعدين يمسك شعري ويشوفها :icon36:
افيدوني وش اسوي فيها الله يسعدكم والله اني حنيت شعري ابغاها تروح ولا فيه فاااايده
انا لما اتروش وافرك شعري عشان ينظف الاحظ في منتصف الفروة فيها دهون كثيرة يعني ماتروح الا اذا فركت فركت بقوة بعدها يروح يعني الفروة كلها تنظف الا هي اقعد افرك فيها عشان تنظف ... فأعتقد اذا مشكلتك نفس مشكلتي انا اشوفها فعلا دهون زايدة