#حادثة سرقةجريئةحصلت لأقاربي في أحد أحياء الرياض قبل اسبوع #

أولا :السلام عليكم ورحمة الله وبركاته
ثانيا:أود أن أخبركم بتلك القصة التي حصلت لا لتخويفكم وإنما لأخذ الحيطة والحذر والانتباه لأبنائكم ولبيوتكم وعدم التساهل والتفريط..

والقصة حقيقية لأقارب لي
كان ببيتهم عزيمة وكانوا الأطفال مجتمعين يلعبون بساحة البيت وأغلبهم صغار وطبعا باب الشارع كان مفتوح والرجال كانوا بالمجلس والأمهات مشغولات طبعا بالضيوف وفجأة دخل رجال ومسك بنت تقريبا عمرها 4سنوات وطلع بها
ماانتبه له أحد الا وحدة من خالات البنت وقالت لاخوانها وطلعوا يدورونها بالشارع ولقوا سيارة توها موقفه ونزل منها رجال ومعه البنت قال:أنا من المباحث ولقيت بنتكم بالشارع انتبهوا لها لاتطلع ..أخذ البنت خالها وهاوشها على خروجها انطلت عليه الخدعة !!
ولما راحت البنت لأمها انتبهت ان سلسال البنت وأساورها مو عليها وعرفت انه حرامي وحمدت الله ألف مرة على سلامة بنتها ولا الذهب يتعوض
الشيء اللي استغربته جرأة هالحرامي وكيف دخل بيت مليان ناس والسيارات عند الباب وكيف حيلته ومسوي نفسه انه مباحث عشان مايشكون فيه حسبي الله عليه
والحمدلله على سلامة البنت..