حادثة مرعبة في مدرستي

من البداية انا معلمة متغربة في منطقة صغيرة وهذي المنطقة تسود فيها بشكل كبير العصبية القبلية
وياما صارت مشاكل سواء داخل المدرسة او برى المدرسة

بس المشكلة الكبيرة اللي صارت يوم الاربعاء من جد هزني لدرجة ما صرت انام من الخوف ,,,,
المشكلة هي في بنت عربجية تحب المشاكل حتى على معلماتها هذي من قبيلة ومجموعة من بنات من قبيلة ثانية اظاهر كان بينهم مشاكل ورمي كلام بينهم اللي صار في يوم الثلاثاء في آخر النهار وهم في الباص صار مشكلة بينهم جات البنت العربجية اخذت الطرحة وخنقت وحدة من البنات الشلة الثانية لدرجة انقطع نفسها وربي ستر وضربت وحدة واغمي عليها ..... البنات اللي في الباص صاروا بدون غطاوي من الموقف اللي هرب من الباص واللي .....الخ

طبعا البنت العربجية حاست فيهم حوووووووسة ..... الشلة المتضررة راحوا البيت وهم في حالة من البكاء والتوعد بالانتقام حتى لو يوصل الموضوع للذبح
داومنا يوم الاربعاء واحنا المدرسات ما ندري بالموضوع ... طبعا الشلة داوموا كلهم عشان يخذون حقهم بيدهم لكن الصاعقة اللي جاتهم ان البنت العربجية ما داومت غااااااااااااايبة وبعدها شوفي اللي صار بين الشلة


اللي صار شي ما تتوقعونة والله حاجة تخوف وقدامي بعد ,,,,, من القهر والغبن اللي فيهم لما دروا بغياب العربجية صارت كل وحدة من الشلة يجيلها زي الحالة النفسية ومعاها مس من الجني
( بسم الله الرحمن الرحيم ) تخيلي الصراخ والتمثيل المرعب من المس وكل وحدة في مكان اقسملكم يابنات ان الخوف سيطر علينا حنا يالمعلمات
واكتشفنا ان المكان اصلا مسكون واكثر الناس في هالمكان فية مس من الجن ( بسم الله )

والمشكلة كلها على بعضها مشكلة العصبية القبلية اللي في الكبير والصغير بعد والله حتى المتوسط الصغار فيهم هالعصبية اكثر من الكبار ,,,,,,, ومدري هالمشكلة إلا متى تنتهي والله يستر ما يوصل الموضوع إلا قتل لان الموضوع فية توعد لو فية ذبح

بحكم اني معلمة متمكنة وقريبة من البنات سمعت هالسالفة كلها منهم واللي اخس من كذا بعد
هذولا بنات فما بالكم من الاولاد والله يابنات انة ما في الا ذبح وطعن

يارب تستر علبنا وتحمينا من البلاوي .... ويحميني من الضرر والله صرت اتعوذ واحصن نفسي اكثر من مرة لان مو بس في هالمنطقة جن لا بعد سحر ,,,,,,,,,,,,,,,,,,,,, حتى نومي كلة هواجيس واحلام مخيفة منهم
ادعولي بالخير واني اخرج من المنطقة هذي بسلامة
وياكثر خوف امي علي خاصتا انها بعيدة عني ............ وسلامتكم