والله بكيتوني يابنات اه اه بس جزاكم الله خير وإن شاء الله ماتذوقون مكروووه بعزيز اخوي الحين تخيلوا يتعالج علااااج نفسي يعني ماله علاااااج للمخ بس علي مهدئات نفسيه لان المخ اختل عنده والله ابوي ياقلبي شايل همه يقول بعد عيني من بيراعيه اخوانه بيهمون فيه والا موسالين وبيزهقون منه ومن طلباته بس تدرون وش اللي مصبرنا انه الحمدلله يعرفنا ويتذكر الماضي بس يخورها ويطلع سوالف مدري من وين جايبها ويمشي ويسولف علي روحه ويفتح الدريشه ويسولف والله لويقعد ساعتين ع الدريشه يسولف ويتخيل له اشخاص وديناه شيخ مافيه فايده سوينا له صبخه علي راسه مافيه فايده سوينا حجامه مافيه فايده والله انه يقطع القلب نبي نزوجه بس مدري كيف من بيقبل فيه فكرنا ناخذ له اجنبيه هو عمره ذا الحين ٢٧ سنه ودي انه يرجع مثل اول ودي نفرح فيه ونزوجه ونشوف عياله ااه والله يابنات فيني غصه ماتقدر اكمل لو وحده تعرف زي حالته وتشافى تساعدني والله ابوي ينام وهو مهموم ويقوم مهموم يااااربي تشفيه حسبي الله علي اللي كان السبب يعني لازم يطاردون مايدرون انهم مراهقين حاطينهم عناد الا يمسكونهم حسبي الله علي الشرطي اللي تسبب بكذا جعل حوبة اخوي ماتعدااااه ادعوله يابنات تكفوووون و الله ماعاد اقدر اكمل عيوني غراقنه من الدموع

ذلحين انتو ليه شبيتو في الهيئة وهم يقولوا المدان
الأمن والهيئة

يابنات تدرون وش الاغاني اللي رافع صوتها؟؟؟؟؟؟؟؟ حسب الشهود ......طيور الجنه ....حاطها لعياله ... والام مقطوعه يدها .....لا حول ولا قوة الا بالله .وحامل ....الى متى !!!! واللي موقفينه الهيئه وطلبوا منه تخفيض صوت المسجل وصار بينهم جدال وتركهم وطاردوه

شرفني مروركم نورتوا الله يصبرهم يارب ويرحم الى توفى والحق يظهر ان شاء الله قريب

بعض الردود تبين عن عقليه امعه بدون عقل اصلا من تسمع اسم الهيئه يطير قلبها وتدفع بدون وعي وكأن الهيئه ملاك منزل من السماء وما يغلط ومنزه عن البشر !
الي تدافع عن الهيئه ترأ الهيئه تضم بشر مثلهم مثلنا موملائكه فيهم الصالح وفيهم الطالح فيهم الي يخاف الله وفيهم الي ماخذها وظيفه لا اكثر فيهم الي يستر وفيهم الي يدور الفضائح فيهم المتعلم وفيهم الجاهل فيهم الي فاهم في الدين وفيهم الي الدين بجهه وهو بجهه
الاخوان وهم من بطن واحد مايجون مثل بعض فكيف بمكان يضم مئات والاف الموظفين ؟

ما اقول الا الله يذوق المتسببين من ماكان يكون بحره قلوب هالعائله ويروعهم بقعر دارهم مثل ماروعوا عائله كامله وتسببو بوفاه اب وولده وبتر يد زوجه واصابات طفل حسبي الله ونعم الوكيل فيمن كان السبب سواء هيئه او شرطه الله ينتقم منهم وياخذون عقابهم ويتحاكمون .. ماتدرون ان المطارده ممنوعه ! يلي تدافعون ؟ ماتدرون ان لها عقوبه ؟ الي تعرف احد يشتغل في الهيئه تسأله .. ترأ ماشوه سمعه الهيئه عند بعض الناس الا بعض العاملين فيها اتركو التفكير السقيم والاعمى وعلمانيه ومدري ايش كلنا لنا عيون ونشوف روحوالاسواق والمنتزهات وشوفو اعضاء الهيئه وقانو هل كلهم مثل بعض في المعامله ؟ هل كلهم مثل بعض في الاحترام والخوف من الله ؟ اجلسو مع واحد يشتغل في الهيئه وتكلمو معه واعرفو خفايا بعض العاملين فيها..

انا مو ضد الهيئه بالعكس افرح اذا شفتهم وادعي لهم بالخير ويكثر الصالحين منهم , لكن اذا غلطو وهم بشر لازم يتحاسب المتسبب ويفصل من وظيفته عشان يكون عظه وعبره لغيره بعضهم مأخذ هالوظيفه لتخويف وترويع البشر بغير وجه حق بأسم انه من الهيئه ..

المتسبب لازم ياخذ عقابه سواء شرطه اوهيئه عشان يكون عظه وعبره لغيره