حادث في الطريق اتعب نفسيتي !

السلام عليكم ورحمه الله وبركاته
بعد غيابي الطويل ماحبيت ادخل بموضوع يحزن بس للظروف احكام .
المهم مالكم بالطويلة الليله كنّا مسافرين للمدينه المنوره
وحنا في الطريق فجأة شفت سياره انقلبت قدامنا ومحد غيرنا بالطريق وفيه باص بعيد مالنا فتره من يوم تعديناه
المهم من الخوف لأَنِّي شفت الناس وكيف انثروعلي الطريق
ومن باب الخوف وكمان من رعب المنظر قلت لزوجي امانه انزل ساعدهم اصلا هو اللي نبهني علي السياره وهي تتقلب ويما وقفناهذا تقريبا بحدود 14قدم عن اقرب شخص منثور علي الارض كانت مره وبعدها تقريبا ب5 خطي طفل والباقي أغراض متناثرة وزوجي وقف خاف عليهم من الدهس قعد ياأشر لسيارات لا تدهسهم
ويما وقف الباص جنبنا بقي موقف سياره علشان نظمن ماحد يدهسهم زوجي شاف السياره قاعده تحترق وسمعنا صوت ينادي بفتح باب السياره راح زوجي لجهه السياره يفتح الباب وفصل الاسلاك وقتها انا ماتحملت موقف الحرمه جهت الطريق قلت ابوقف السيارات (مدري كيف جاتني الجرؤه وقتها )وقفلت علي ولدي ورا ونزلت ببنتي الصغيره ومغطيه عيونها ووقفت السيارات بالقوه لين وقف ناس الله يجزاهم خير وقفلو جهت الحرمه وقعدو يساعدون اللي داخل السياره وكان طفلين اتوقع اعمارهم مابين 10سنوات الي 17سنه وبنت وشفتهم احياءيقومون ويجلسون باين انهم مرتجين من الموقف اللي صار واحده متغطيه نزلوها الناس كمان تتكلم بس ما انتبهت ويش قاعده تقول وثنتينداخل السياره يظهر عليهم انهم متكسرات الله يشفيهم وطبعا انا مازلت انظم في السيارات وماتحملت موقف السواق بعدما جاء الي عند المرأه للي كنت أحميها من السيارات
انهار رغم تماسكه بعدما فتح له زوجي السياره قام خرج قريباته والنَّاس اخذوا بس الأولاد قاعد يقول يالله ياوجه
الله ويصارخ والنَّاس يهدون فيه يقولون هي حيه وهو يقول أمي الوالده لان الناس يقولون ماتت يقول زوجي شافها تحاول ترفع رأسها وخبره انها حيه وهدا الله يشفيها له وغطو الطفل اللي جنبها بس محد يدري هو مات او حي غطوه علشان البروده وهو متماسك بس عند امه انهار وبعدين رجع هدأ وجاء الي عندي شفت فيه دم في ساعده جهت اليسار جاء جنبي علشان شاف المرور علي بالنا انه الاسعاف وبعدما جاء المرور رجعت السياره ومنهاره
لدرجه نزلت بدون الشوز 😞ومشو الناس بمافيهم حنا ومشينا وقلبي يتقطع عليهم وخصوصا الطفل اللي كان ينزف ولا يتحرك والمرأه اللي كانت جنبه اكثر اثنين مصابين فيهم وحنا في الطريق شفنا خمسه اسعافات وراء بعض متجه لهم والآن افكر فيهم ابي اطمن علي حالتهم ياليت اللي تقرب لهم او تعرفهم تخبرنا عنهم مره متأثرين انا وزوجي وكمان النا س اللي ساعدو بعضهم يقول لزوجي كمل ماعاد فينا شدت حيل لمشاهدتهم لان زوجي جلس مع ابوهم يهدون فيه وهو رائح جاي يتطمن عليهم . وانا من يوم وصلنا جسمي يرجف وحالتي حاله ومايفارقني المنظر الي شفتهم فيها .ادعو الله ان يشفيهم جميعا.