حادث وحدث

صباح الخير ياحوائيات
والله اني احبكم ودخلتم لقلبي اللي صنعتوه من عدم
الله يسعدكم وويقنعكم بازواجكم وعيالكم ويلبسكم ثوب الصحة والعافيه ،. واللي ماتزوجت يسوق لها الله العطية الصالحة.
طبعا تعرفون المقدمة الشهيرة اني مسجلة جديدة ولا لي معرف غير ذا ، ولا اعرف العضوة فاتت سنة ابدا
المهم بنات امس عملت حادث وربي لطف ، لكن قبل اقول لكم تفاصيل الحادث العجيب ، وناخذ درس
فيه تمهيد :
قبل فترة طرحوا بعض العضوات بهذا القسم فن تعلم القيادة وتعليمها وتكررت المواضيع وكنت وقتها اقول انا كامزأة وش لي بالكلام هذا ، قلت سوالف حريم ولا عطيت الموضوع اهميه
وقلت اذا احتجت فيه اوبر او كريم يجيني للباب
ولكن زادت المهام والتنقل والالتزامات ووجدت
نفسي امام قرار متولد من رحم القناعه بأهمية
السيارة في حياتي وتعلمها ، وهذا ماحصل اشتريت سياره ورغبه في التعلم لكن الاشكال انني سابقا كنت في غربة وتعرفون ان بلاد الغرب القيادة معكوسة يكون االدركسون فاليمين عكسنا هنا، لكني تأقلمت عليها وصرت على قناعة انه ضرورة اتقنها واخذ رخصة ، والحمد لله قمت اسوق معي من يشرح طار الخوف وراحت او خفت الربشه والتشتت قل وسرت اطلع وانهي مصالحي والان واتمنى اصادف اللي يسمونها فوزية الدريع راح اطلعها اقرب رصيف او حفرة هههههه ترى بس كلام نرجع للقصه ، ونا راجعة لباناتي وصحباتي عازمتهم على مشاوي شامية وماسكة خطي باحترام وفجاه تخرج لي سياره هو اربشني يلصق سيارته قريب يصدمني شوي يكون خلفك ويتجاوز مع اليمين ويطالعني نزلت القزاز وخفضت السرعه وقلت له هل تريد شي قالي انا ماكلمتك ، استغربت وتجاهلته قلت الله يكفيني شره ، مادريت الا بالصدمة من الخلف ، وكانت الصدمه خفيفة ، انا بعد مواقفة السابقة ويصدمني ويعطلني نزلت عليه وسفلت فيه وهو خاف وسكت، والحقيقة غلط عليه بكلامي وانقلب الحق على واعتذرت منه، وحرق اعصاب ، حضر نجم الخاص بالحوادث وسامحته ، لو اني ماطولت لساني كان مادفعت من جيبي والصراحة وراي سهره مع حبايبي ،. جلسة ماتتكرر ، عيب انا عازمتهم . وبكذا انتهت القصه
اللي بترد او تنتقد او تحش او تهزء ،. كله عشان غلاتكم مسموح واحبهم لي اللي تمسخرني وتمسح بي الارض ومسامحتكم مقدما ، والعرض هذا ساري لليوم وبكره معكم اغتنموه .
اصبحت اليوم ومايهمني اي امر ولا اخاف من شي ، تتوقعون المشوي يعطيك شحنه وطاقه ،
لاتجي وحده ممبرشه تسأل انتي متزوجة ولا عانس او عجوز اقولك سهره تقولين عجوز ،. هذي مستثناه تزعلني مرررره هه نبهتكم . متعقده منها
الدرس : توجيه نبوي لاتغضب
(ارحم حالك ، صحتك راس مالك)