كيفكن حبيبات قلبي
أتمنى من الله تكن في أحسن حال
أنا من فترة صار شعري يطيح وبديت أحس بالخطر وفي مرة من المرات استخدمت زيوت منها زيت دابر وزيت الحشيش الأخضر إماراتي أصلي وخلطهم وجابت نتيجة وشعري رجع قريب من أول بس ما تهنيت حضرت زواجات ورجع تساقط أكثر من الأول بعدها رجعت أستخدمت زيوت من غير فائدة لكن بالأخير قررت أشتري فيتامينات هير دال ورحت الصيدلية ووصفي لي الصيدلاني بخاخ للشعر ينبته بصراحة الغريق يتعلق بقشة وهذا أنا وقتها أخذته وبديت أجربه مع الفيتامينات وبديت أشوف شعيرات صغيرة وكمان الفراغات ماصرت أشوفها فاضية صرت أشوف نقط سوداء وهذا معناه إنه الشعر ينبت أنا بغيت أنتظر شوي لحد ما أشوف نهاية العلاج بس قلت خليني أنزله لبنات حواء واللي تبي تبدأ قبل الصيفية يمديها تعدل من وضع شعرها وأنا هنا راح أخبركم بالنتائج بعد ما يخلص العلاج تمامالأني للحين ما خلصت علبة منه والصيدلي يقول ممكن تحتاجين كورس ثاني وومكن لا
حبيباتي أنا هالأيام أحتاج دعواتكم لي بالتعيين وأن يكون اسمي من أول دفعة بمكان قريب ومريح لي نفسيا وأن يسخر لي أولادي وزوجي ويرزقني بر والدي ودي أزيد من الدعوات بس أخاف تطلعون من الموضوع ما استفدتم
طبعا فيه منه للنساء وفيه للرجال اللي تشوفونه للنساء والظرف شامبو بس أنا ما شريته وهذي عينة معاه
طبعا طريقة الإستخدام البخاخ في المساء كل يوم و12 بخة فقط توزع على الفروة وتدلك الفروة تمسج زين مازين والفيتامينات حبة كل يوم
ملاحظة :الفيتامينات تكفي شهرين وبعدها توقفين على الأقل شهر
أنا راح أكون متواصلة معاكم في هالموضوع حتى أبلغكم عن التطورات الأخيرة بعد التوقف عن العلاج
بعد المقدمة الطويلة السابقة
نجي للعلاج وصورته
وهذي صورة البخاخ مع الفيتامينات
